ಬೆಳ್ತಂಗಡಿ: ಕರ್ತವ್ಯ ನಿರತ ಪುಂಜಾಲಕಟ್ಟೆ ಪೊಲೀಸ್ ಠಾಣೆಯ ಹೆಡ್ ಕಾನ್ಸ್ ಸ್ಟೆಬಲ್ ಒಬ್ಬರು ಬೈಕ್ ಅಪಘಾತದಲ್ಲಿ ಮೃತಪಟ್ಟ ಘಟನೆ ಬೆಳ್ತಂಗಡಿ ತಾಲೂಕಿನ ಪುಂಜಾಲಕಟ್ಟೆ ಠಾಣಾ ವ್ಯಾಪ್ತಿಯ ನೆರಳಕಟ್ಟೆಯಲ್ಲಿ ಶುಕ್ರವಾರ ನಡೆದಿದೆ.
ಅಬೂಬಕರ್ (48) ಮೃತಪಟ್ಟ ಹೆಡ್ ಕಾನ್ಸ್ ಸ್ಟೆಬಲ್ .
ಅಬೂಬಕರ್ ಅವರು ವೇಣೂರಿನ ಮರೋಡಿಯವರು. ವಾಮದಪದವಿನಲ್ಲಿ ನಿಶ್ಚಿತ ಕೆಲಸ ಮುಗಿಸಿ ಹಿಂದಿರುಗುವಾಗ ಈ ಅಪಘಾತ ನಡೆದಿದೆ. ಎದುರು ಬೈಕ್ ನಲ್ಲಿದ್ದ ಇರ್ವತ್ತೂರಿನ ದುರ್ಗಾಪ್ರಸಾದ್ ಅವರು ತೀವ್ರ ಗಾಯಗೊಂಡು, ಮಂಗಳೂರಿನ ಆಸ್ಪತ್ರೆಗೆ ಸೇರಿಸಲ್ಪಟ್ಟಿದ್ದಾರೆ. ಹೆಡ್ ಕಾನ್ಸ್‌ಟೇಬಲ್ ಅವರ ಹಿಂದೆಯೇ ಜೀಪಿನಲ್ಲಿ ಬರುತ್ತಿದ್ದ ಪೋಲೀಸರು ವೇಗವಾಗಿ ರಕ್ಷಣೆಗೆ ಇಳಿದರಾದರೂ ಅಬೂಬಕರ್ ಅವರನ್ನು ಉಳಿಸಿಕೊಳ್ಳಲು ಸಾಧ್ಯವಾಗಲಿಲ್ಲ
