ಕಲಬುರಗಿ: ಪಿಎಸ್ಐ ನೇಮಕಾತಿಗೆ ನಡೆದ ದೈಹಿಕ ದೃಢತೆ ಪರೀಕ್ಷೆಯಲ್ಲಿ 24ರ ಪ್ರಾಯದ ಗರ್ಭಿಣಿ ಅಶ್ವಿನಿ ಎಂಬವರು ಯಶಸ್ವಿಯಾಗಿ ಪೂರ್ಣಗೊಳಿಸಿದ್ದಾರೆ.
ದೈಹಿಕ ಪರೀಕ್ಷೆಗಳಾದ ಲಾಂಗ್ ಜಂಪ್, ರನ್ನಿಂಗ್, ಶಾಟ್ ಪುಟ್ ಎಲ್ಲದರಲ್ಲೂ ಎಂಜಿನಿಯರಿಂಗ್ ಪದವೀಧರೆ ಅಶ್ವಿನಿ ಮಿಂಚಿದರು. ದೈಹಿಕ ಪರೀಕ್ಷೆಯ ಬಳಿಕ ವೈದ್ಯಕೀಯ ಪರೀಕ್ಷೆ ನಡೆಸಿಕೊಂಡಿದ್ದು, ಆರೋಗ್ಯದಲ್ಲಿ ಯಾವುದೇ ಏರುಪೇರು ಆಗಿಲ್ಲ ಎಂದು ಕುಟುಂಬದವರು ಹೇಳಿದ್ದಾರೆ.
ಅಶ್ವಿನಿ ಎರಡೂವರೆ ತಿಂಗಳ ಗರ್ಭಿಣಿ. ಈ ವಿಷಯ ಪೊಲೀಸರಿಗೆ ಅನಂತರ ತಿಳಿದಿದೆ. ಗರ್ಭಿಣಿಯರನ್ನು ದೈಹಿಕ ಪರೀಕ್ಷೆಗೆ ಒಳಪಡಿಸಲು ಅವಕಾಶವಿಲ್ಲ. ಹೀಗೆಂದು ಈಗ ಪೊಲೀಸರು ತಲೆ ಬಿಸಿ ಮಾಡಿಕೊಳ್ಳುತ್ತಿದ್ದಾರೆ.
