‘ಕ್ಯಾನ್ಸರ್’ಗೆ ಮೂಲ’: ಶಾಂಪೂ ಸೇರಿದಂತೆ 32 ಉತ್ಪನ್ನಗಳನ್ನು ಹಿಂಪಡೆದ P&G ಕಂಪನಿ !

Prasthutha: December 25, 2021

ವಾಷಿಂಗ್ಟನ್: ಮನುಷ್ಯರ ದೇಹದಲ್ಲಿ ಕ್ಯಾನ್ಸರ್’ಗೆ ಕಾರಣವಾಗಬಹುದಾದಷ್ಟು ಅಪಾಯಕಾರಿ ಪ್ರಮಾಣದ ರಾಸಾಯನಿಕ ‘ಅಂಶ’ಗಳು ಕಂಡು ಬಂದ ಹಿನ್ನೆಲೆಯಲ್ಲಿ ‘ದಿ ಪ್ರೋಕ್ಟರ್ & ಗ್ಯಾಂಬೆಲ್ – P&G ಕಂಪನಿ’ಯು ತನ್ನ 32 ಉತ್ಪನ್ನಗಳನ್ನು ಮಾರುಕಟ್ಟೆಯಿಂದ ಹಿಂಪಡೆದಿದೆ. ಶಾಂಪೂ, ಕಂಡೀಷನರ್ ಹಾಗೂ ಸುಗಂಧ ದ್ರವ್ಯಗಳು ಸೇರಿದಂತೆ ಒಟ್ಟು 32 ಉತ್ಪನ್ನಗಳನ್ನು ಅಮೆರಿಕ ಹಾಗೂ ಕೆನಡಾ ದೇಶಗಳ ಮಾರುಕಟ್ಟೆಯಿಂದ ಹಿಂಪಡೆಯುತ್ತಿರುವುದಾಗಿ P&G ಕಂಪನಿ ಹೇಳಿದೆ.

P&G ಕಂಪನಿಯ ಜನಪ್ರಿಯ ಉತ್ಪನ್ನಗಳಾದ ಪ್ಯಾಂಟೀನ್ ಶ್ಯಾಂಪೂ, ಓಲ್ಡ್ ‘ಸ್ಪೈಸ್ ಸ್ಪ್ರೇ ಹಾಗೂ ಮಹಿಳೆಯರ ನೆಚ್ಚಿನ ‘ಸೀಕ್ರೆಟ್ ಪೌಡರ್ ಫ್ರೆಶ್’ ಉತ್ಪನ್ನಗಳಲ್ಲಿ ಕ್ಯಾನ್ಸರ್ ಜನಕ ದ್ರವ್ಯದ ಪ್ರಮಾಣ ಹೆಚ್ಚಿರುವುದಾಗಿ ಕನೆಕ್ಟಿಕಟ್’ನ ಸ್ವತಂತ್ರ ಪ್ರಯೋಗಾಲಯ ‘ವಲಿಶ್ಯೂರ್’ನಲ್ಲಿ ನಡೆಸಿದ ಪರೀಕ್ಷೆ ವೇಳೆ ಬೆಳಕಿಗೆ ಬಂದಿದೆ. ಈ ಕಾರಣದಿಂದಾಗಿ 32 ಉತ್ಪನ್ನಗಳನ್ನು ಹಿಂಪಡೆಯುತ್ತಿರುವುದಾಗಿ P&G ಕಂಪನಿ ಹೇಳಿದೆ.

P&G ವಿರುದ್ಧ ಗ್ರಾಹಕರಿಂದ ಮೊಕದ್ದಮೆ ದಾಖಲು

ಕ್ಯಾನ್ಸರ್’ಗೆ ಕಾರಣವಾಗುವ ರಾಸಾಯನಿಕಗಳನ್ನು ಬಳಸಿರುವ ಬಗ್ಗೆ ಪ್ರಯೋಗಾಲಯದ ವರದಿ ಹೊರಬರುತ್ತಿದ್ದಂತೆ P&G ಕಂಪನಿ ವಿರುದ್ಧ ಗ್ರಾಹಕರು ಕೋರ್ಟ್ ಮೆಟ್ಟಿಲೇರಿದ್ದಾರೆ. ಸಿನ್ಸಿನಾಟಿ ಸೇರಿದಂತೆ ಅಮೆರಿಕದ ವಿವಿಧ ನಗರಗಳಲ್ಲಿ P&G ಕಂಪನಿ ವಿರುದ್ಧ ಈಗಾಗಲೇ 17ಕ್ಕೂ ಹೆಚ್ಚು ಫೆಡರಲ್ ಮೊಕದ್ದಮೆಗಳು ದಾಖಲಾಗಿದ್ದು, ನಿರ್ದ್ಯಾಕ್ಷಿಣ್ಯ ಕ್ರಮ ತೆಗದುಕೊಳ್ಳುವಂತೆ ಒತ್ತಾಯಿಸಲಾಗಿದೆ. ಕೆಂಟುಕಿ ನಿವಾಸಿ ಒಹಿಯೊ ಎಂಬಾಕೆ, ತಾನು ಕಳೆದ ಎರಡು ವರ್ಷಗಳಿಂದ ‘ಸೀಕ್ರೆಟ್ ಸ್ಪ್ರೇ’ ಉಪಯೋಗಿಸುತ್ತಿದೆ ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!