ಮ್ಯಾನ್ಹಟನ್: ತನ್ನ ಎಂಆರ್’ಎನ್’ಎ ಆಧಾರಿತ ಕೋವಿಡ್ -19 ಲಸಿಕೆಗಳ ಬೆಲೆಯನ್ನು ಹೆಚ್ಚಿಸಲು ಹೋಗಿ ಇತ್ತೀಚೆಗೆ ಭಾರೀ ಟೀಕೆಗೆ ಗುರಿಯಾಗಿದ್ದ ಫೈಜರ್ ಔಷಧೀಯ ಕಂಪನಿ ಈಗ ಹೊಸ ತೊಂದರೆಗೆ ಸಿಲುಕಿದೆ.
ಅಮೆರಿಕ ಮೂಲದ ಈ ಬಹುರಾಷ್ಟ್ರೀಯ ಔಷಧಿ ಕಂಪೆನಿಯು ಕೊರೋನಾಕ್ಕೆ ಹೊಸ ಲಸಿಕೆ ಕಂಡುಹಿಡಿಯಲು ರೂಪಾಂತರ ವೈರಸ್’ಗಳ ಮೇಲೆ ಕೆಲಸ ಮಾಡುತ್ತಿದೆ ಎಂದು ಕಂಪೆನಿಯ ಉನ್ನತ ಹುದ್ದೆಯಲ್ಲಿರುವ ಉದ್ಯೋಗಿಯೊಬ್ಬರು ಸ್ಫೋಟಕ ಹೇಳಿಕೆ ನೀಡಿದ್ದು, ಈ ಸುದ್ದಿಗೆ ಜಗತ್ತು ಬೆಚ್ಚಿಬಿದ್ದಿದೆ.
ಸಂಶೋಧನೆ ಮತ್ತು ಅಭಿವೃದ್ಧಿ ವಿಭಾಗದ ಫೈಜರ್ ಕಂಪನಿಯ ನಿರ್ದೇಶಕರಾದ ಜೋರ್ಡನ್ ತ್ರಿಸ್ಟನ್ ವಾಕರ್ ಈ ಕಂಪೆನಿಯ ಈ ಗುಟ್ಟನ್ನು ಬಹಿರಂಗಪಡಿಸಿದ್ದಾರೆ. ಹೊಸ ಗುಣದ ಮತ್ತು ಸಾಮರ್ಥ್ಯದ ರೂಪಾಂತರಿ ಕೊರೋನಾ ವೈರಸ್’ಗಳ ಜೊತೆಗೆ ವಿವಾದಿತ ಪ್ರಯೋಗದಲ್ಲಿ ತೊಡಗಿ ಉನ್ನತ ಕಾರ್ಯವ್ಯಾಪ್ತಿಯ ಸುಸ್ಥಿರ ಮಾರುಕಟ್ಟೆಗೆ ಕಂಪೆನಿಯು ತನ್ನದೇ ತಪ್ಪು ನಡೆಯಲ್ಲಿ ತೊಡಗಿಕೊಂಡಿದೆ ಎಂದು ಅವರು ಆರೋಪಿಸಿದ್ದಾರೆ.
“ನಾವು ಹೊಸ ಲಸಿಕೆ ತಯಾರಿಸಲು ಯಾಕೆ ವೈರಸ್’ಗಳ ರೂಪಾಂತರದಲ್ಲಿ ತೊಡಗಬೇಕು? ಲಸಿಕೆಗಾಗಿ ವೈರಸ್ ಸೃಷ್ಟಿ ನಮ್ಮ ಕೆಲಸವಲ್ಲ; ವೈರಸ್ ಗಾಗಿ ಲಸಿಕೆ ರೂಪಿಸುವುದು ನಮ್ಮ ಕೆಲಸ. ಯಾವುದೇ ಔಷಧಿ ಕಂಪೆನಿಯು ತಾನೇ ರಾಜ ವೈರಸ್ ಗಳ ರೂಪಾಂತರದಲ್ಲಿ ತೊಡಗುವುದು ಎಷ್ಟು ಅಪಾಯಕಾರಿ ಎನ್ನುವುದನ್ನು ನೀವು ಅರಿತಿದ್ದೀರಾ?” ಎಂದು ಪ್ರಾಜೆಕ್ಟ್ ವೆರೈಟಿಯವರು ಮಾಡಿದ ಗೌಪ್ಯ ವೀಡಿಯೋವೊಂದರಲ್ಲಿ ವಾಕರ್ ಈ ಮಾತನ್ನು ಹೇಳಿದ್ದಾರೆ.
