ಬೆಳಗಾವಿ : ತಡರಾತ್ರಿ ಮನೆಗೆ ನುಗ್ಗಿದ ದುಷ್ಕರ್ಮಿಗಳ ತಂಡವೊಂದು ಯುವಕನನ್ನು ಹೊತ್ತೊಕೊಂಡು ಹೋಗಿ ಹತ್ಯೆಗೈದ ಘಟನೆ ಬೆಳಗಾವಿ ತಾಲೂಕಿನ ರಣಕುಂಡಯೇ ಗ್ರಾಮದಲ್ಲಿ ನಡೆದಿದೆ.
ಹತ್ಯೆಗೊಳಗಾದ ಯುವಕನನ್ನು ನಾಗೇಶ್ ಬಾಹುಸಾಹೇಬ್‌ ಪಾಟೀಲ್(31) ಎಂದು ಗುರುತಿಸಲಾಗಿದೆ. ಕಾರಿನಲ್ಲಿ ಬಂದ ಆರಕ್ಕೂ ಮಿಕ್ಕ ದುಷ್ಕರ್ಮಿಗಳ ತಂಡ ನಾಗೇಶ್ ನ ಮನೆಗೆ ನುಗ್ಗಿ ನಾಗೇಶ್ ಹಾಗೂ ಆತನ ಸಹೋದರ ಮೋಹನ ಬಾಹುಸಾಹೇಬ್‌ ಪಾಟೀಲ್‌ನನ್ನು ಕಾರಿನಲ್ಲಿ ಹೊತ್ತೊಕೊಂಡು ಹೋಗಿ ನಾಗೇಶ್ ನನ್ನು ಹತ್ಯೆ ಮಾಡಿ, ತಮ್ಮನಿಗೆ ಗಂಭೀರ ಹಲ್ಲೆ ಮಾಡಿ ಪರಾರಿಯಾಗಿದ್ದಾರೆ.
ಘಟನೆಗೆ ಹಿಂದಿನ ದ್ವೇಷ ಕಾರಣ ಎಂದು ತಿಳಿದು ಬಂದಿದೆ. ಘಟನೆಯ ಬಗ್ಗೆ ಬೆಳಗಾವಿ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.
