ಭುವನೇಶ್ವರ್: ಕೋವಿಡ್ ಉಲ್ಬಣದ ಹಿನ್ನೆಲೆಯಲ್ಲಿ ಮುಂದಿನ ವಾರದಿಂದ ಗುರ್ಗಾಂವ್ ಸೆಕ್ಟರ್ 29 ರ ಮೈದಾನದಲ್ಲಿ ನಮಾಝನ್ನು ಸ್ಥಗಿತಗೊಳಿಸಲಾಗುವುದು ಎಂದು ಇಮಾಮ್ ತೌಕಿರ್ ಅಹ್ಮದ್ ಘೋಷಿಸಿದ್ದಾರೆ.
ಸೆಕ್ಟರ್ 29 ರ ಮೈದಾನದಲ್ಲಿ ಶುಕ್ರವಾರದ ನಮಾಝ್ ಬಳಿಕ ಇಮಾಮ್, ಮುಂದಿನ ವಾರದಿಂದ ನಮಾಝ್ ಮತ್ತು ಕುತುಬಾ ಇರುವುದಿಲ್ಲ ಎಂದು ಇಮಾಮ್ ಅಹ್ಮದ್ ಅವರು ಮಾಹಿತಿ ನೀಡುತ್ತಿರುವ ವೀಡಿಯೋ ವೈರಲ್ ಆಗಿದೆ.
ಗುರ್ಗಾಂವ್ ನಲ್ಲಿ ಕೋವಿಡ್ ಉಲ್ಬಣದಿಂದಾಗಿ ಮುಂದಿನ ವಾರದಿಂದ ಜನರು ಮನೆ ಅಥವಾ ಕೆಲಸದ ಸ್ಥಳದಲ್ಲೇ ನಮಾಝ್ ನಿರ್ವಹಿಸುವಂತೆ ಇಮಾಮ್ ಸೂಚಿಸುತ್ತಿರುವುದು ವೀಡಿಯೋದಲ್ಲಿ ಸೆರೆಯಾಗಿದೆ.
ಈ ಮಧ್ಯೆ ಗುರ್ಗಾಂವ್ ನಲ್ಲಿ ಸಂಘಪರಿವಾರದ ಕಾರ್ಯಕರ್ತರು ಮತ್ತೆ ನಮಾಝ್ ಗೆ ಅಡ್ಡಿಪಡಿಸಿರುವ ಘಟನೆ ವರದಿಯಾಗಿದೆ. ಪ್ರಸಕ್ತ ಸ್ಥಳದಲ್ಲಿ ಕಾನೂನು ಸುವ್ಯವಸ್ಥೆ ಕಾಪಾಡುವ ನಿಟ್ಟಿನಲ್ಲಿ ಭದ್ರತೆಗಾಗಿ ಪೊಲೀಸರನ್ನು ನಿಯೋಜಿಸಲಾಗಿದೆ ಎಂದು ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.
