ದುಬೈ: 2021ರ ICC ಪುರುಷರ T-20 ತಂಡವನ್ನು ಪ್ರಕಟಿಸಲಾಗಿದ್ದು, ಟೀಮ್ ಇಂಡಿಯಾದ ಯಾವುದೇ ಆಟಗಾರ ICC ಪ್ರಕಟಿಸಿದ ತಂಡದಲ್ಲಿ ಸ್ಥಾನ ಗಿಟ್ಟಿಸಲು ವಿಫಲರಾಗಿದ್ದಾರೆ. ಪಾಕಿಸ್ತಾನದ ಯಶಸ್ವಿ ನಾಯಕ ಬಾಬರ್ ಅಝಮ್ ICC ಪ್ರಕಟಿಸಿದ ತಂಡದ ನಾಯಕನಾಗಿ ಆಯ್ಕೆ ಮಾಡಲಾಗಿದೆ.
ಬಾಬರ್ ಅಝಮ್ ಸೇರಿದಂತೆ ಪಾಕಿಸ್ತಾನದ ಮೂವರು ಆಟಗಾರರು, ದಕ್ಷಿಣ ಆಫ್ರಿಕಾದ ಮೂವರು, ಆಸ್ಟ್ರೇಲಿಯಾದ ಇಬ್ಬರು ಹಾಗೂ ಬಾಂಗ್ಲಾದೇಶ, ಶ್ರೀಲಂಕಾ, ಇಂಗ್ಲೆಂಡ್’ನ ತಲಾ ಓರ್ವ ಆಟಗಾರ 2021ರ ICC ಪುರುಷರ T-20 ತಂಡದಲ್ಲಿದ್ದಾರೆ.
2021ರ ICC ಪುರುಷರ T-20 ತಂಡ
ಜಾಸ್ ಬಟ್ಲರ್, ಮುಹಮ್ಮದ್ ರಿಝ್ವಾನ್ (ವಿಕೆಟ್ ಕೀಪರ್), ಬಾಬರ್ ಅಝಮ್ (ನಾಯಕ), ಎಡೆನ್ ಮಾರ್ಕಮ್, ಮಿಚೆಲ್ ಮಾರ್ಶ್, ಡೇವಿಡ್ ಮಿಲ್ಲರ್ , ತಬ್ರೇಝ್ ಶಮ್ಸಿ, ಜಾಶ್ ಹ್ಯಾಝೆಲ್’ವುಡ್, ವಾನಿಂದು ಹಸರಂಗ, ಮುಸ್ತಫಿಝುರ್ ರಹ್ಮಾನ್, ಶಾಹಿನ್ ಅಫ್ರೀದಿ.
ಯುಎಇ-ಒಮಾನ್’ನಲ್ಲಿ ಆಯೋಜಿಸಲಾಗಿದ್ದ ICC T-20 ವಿಶ್ವಕಪ್’ ಪಂದ್ಯಾಕೂಟದಲ್ಲಿ ಶ್ರೇಷ್ಠ ಪ್ರದರ್ಶನ ನೀಡಿದ್ದ ಪಾಕಿಸ್ತಾನದ ನಾಯಕ ಬಾಬರ್ ಅಝಮ್, ಟೂರ್ನಿಯಲ್ಲಿ ಅತಿ ಹೆಚ್ಚು ರನ್’ಗಳಿಸಿದ ಆಟಗಾರನೆನಿಸಿದ್ದರು. ಇದುವರೆಗೂ 29 ಅಂತರಾಷ್ಟ್ರೀಯ T-20 ಪಂದ್ಯಗಳನ್ನಾಡಿರುವ ಬಾಬರ್, 37.56 ಸರಾಸರಿಯಲ್ಲಿ, 9 ಅರ್ಧ ಶತಕಗಳ ನೆರವಿನಿಂದ ಒಟ್ಟು 939 ರನ್’ಗಳಿಸಿದ್ದಾರೆ.
