ಕಾಠ್ಮಂಡು: ನೇಪಾಳದಲ್ಲಿ ಭಾನುವಾರ ಪತನವಾದ ವಿಮಾನದ ಸ್ಥಳದಿಂದ 22 ಜನರ ಪೈಕಿ ಭಾರತೀಯರು ಸೇರಿದಂತೆ 16 ಮೃತದೇಹಗಳನ್ನು ರಕ್ಷಣಾ ತಂಡ ಹೊರ ತೆಗೆದಿದ್ದಾರೆ.
ಭಾನುವಾರ ನಾಪತ್ತೆಯಾದ ನೇಪಾಳ ಮೂಲದ ತಾರಾ ಏರ್ ವಿಮಾನದಲ್ಲಿ 19 ಪ್ರಯಾಣಿಕರು ಮತ್ತು ಮೂವರು ಸಿಬ್ಬಂದಿ ಇದ್ದರು.
ಇತರರಿಗಾಗಿ ಶೋಧ ಮುಂದುವರಿದಿದೆ ಎಂದು ನೇಪಾಳದ ನಾಗರಿಕ ವಿಮಾನಯಾನ ಪ್ರಾಧಿಕಾರದ ವಕ್ತಾರ ದೇವ್ ಚಂದ್ರ ಲಾಲ್ ಸೋಮವಾರ ಸುದ್ದಿ ಸಂಸ್ಥೆಗೆ ತಿಳಿಸಿದ್ದಾರೆ.
ಈ ಮಧ್ಯೆ ವಿಮಾನದ ಬಾಲದ ಸಂಖ್ಯೆ, ಪರ್ವತದ ಅಂಚಿನಲ್ಲಿ ಚದುರಿದ ವಿಮಾನದ ಅವಶೇಷಗಳ ಚಿತ್ರವನ್ನು ಸೇನೆಯ ವಕ್ತಾರ ನಾರಾಯಣ್ ಸಿಲ್ವಾನ್ ಟ್ವಿಟ್ಟರ್ ನಲ್ಲಿ ಹಂಚಿಕೊಂಡಿದ್ದಾರೆ.
