ಕೋಹಿಮಾ: ಕರಾಳ AFSPA ಕಾಯ್ದೆಯನ್ನು ಹಿಂಪಡೆಯುವಂತೆ ಒತ್ತಾಯಿಸಿ ನೂರಾರು ನಾಗರಿಕರು ಸೋಮವಾರ ದಿಮಾಪುರದಿಂದ ರಾಜಧಾನಿ ಕೋಹಿಮಾ ವರೆಗೆ ಸುಮಾರು 75 ಕಿ.ಮೀ ಅಧಿಕ ದೂರ ಪಾದಯಾತ್ರೆ ನಡೆಸಿದರು.
ಕಳೆದ ವರ್ಷ ಡಿಸೆಂಬರ್ ನಲ್ಲಿ ಸೋಮ ಜಿಲ್ಲೆಯಲ್ಲಿ ಭದ್ರತಾ ಪಡೆಗಳು ನಡೆಸಿದ ಎನ್ಕೌಂಟರ್ ನಲ್ಲಿ 14 ನಾಗರಿಕರನ್ನು ಹತ್ಯೆ ನಡೆಸಿದ್ದವು.
ಭದ್ರತಾ ಪಡೆಗಳ ಈ ಕ್ರೂರ ನಡೆ ಮತ್ತು ವಿವಾದಾತ್ಮಕ AFSPA ಕಾಯ್ದೆಯನ್ನು ಹಿಂಪಡೆಯುವಂತೆ ಒತ್ತಾಯಿಸಿ ಗ್ಲೋಬಲ್ ನಾಗಾ ಫೋರಮ್ ನಿರಂತರ ಸಾಮಾಜಿಕ ಮಾಧ್ಯಮಗಳ ಮೂಲಕ ಅಭಿಯಾನ ಆಯೋಜಿಸಿದೆ.
ಸೋಮ ಘಟನೆಯ ಬಳಿಕ ಜನರ ಬೇಡಿಕೆಗೆ ಗಮನ ನೀಡದೆ ಡಿಸೆಂಬರ್ 30 ರಂದು ಕೇಂದ್ರ ಸರ್ಕಾರ AFSPA ಕಾಯ್ದೆಯನ್ನು ಇನ್ನೂ ಆರು ತಿಂಗಳಿಗೆ ವಿಸ್ತರಿಸಿದೆ. ಕೇಂದ್ರ ನಿರ್ಧಾರದ ವಿರುದ್ಧ ಸಾರ್ವಜನಿಕರು ತಮ್ಮ ಅಸಮಾಧಾನವನ್ನು ವ್ಯಕ್ತಪಡಿಸಿ ಈ ಪ್ರತಿಭಟನಾ ಜಾಥಾವನ್ನು ಹಮ್ಮಿಕೊಂಡಿರುತ್ತಾರೆ ಎಂದು ಪಾದಯಾತ್ರೆ ಸಂಯೋಜಕರಲ್ಲಿ ಒಬ್ಬರಾದ ರುಕೆವೆಜೊ ವೆತ್ಸಾಹ್ ಸುದ್ದಿ ಸಂಸ್ಥೆಗೆ ತಿಳಿಸಿದರು.
