‘ನನ್ನ ಹಿರಿಯರು ರಜಪೂತ ಹಿಂದೂಗಳಾಗಿದ್ದರು’: ಬಿಹಾರ ಸಚಿವ ಜಮಾ ಖಾನ್ ಹೇಳಿಕೆ

ಬಿಹಾರ: ಹಿಂದೂ ರಜಪೂತ ಜನಾಂಗದಲ್ಲಿದ್ದ ನನ್ನ ಪೂರ್ವಜರು ಇಸ್ಲಾಮ್ ಧರ್ಮ ಸ್ವೀಕರಿಸಿದ್ದರು ಎಂದು ಬಿಹಾರದ ಅಲ್ಪಸಂಖ್ಯಾತ ಕಲ್ಯಾಣ ಸಚಿವ ಜಮಾ ಖಾನ್ ಹೇಳಿದ್ದಾರೆ.

ಬಲವಂತದ ಮತಾಂತರವನ್ನು ಟೀಕಿಸಿದ ಖಾನ್, ಈ ರೀತಿ ಮಾಡುವವರನ್ನು ಕಾನೂನು ಕ್ರಮಗಳಿಂದ ರಕ್ಷಿಸಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.

ಯಾರನ್ನೂ ಕೂಡ ಬಲವಂತದಿಂದ ಮತಾಂತರಗೊಳಿಸಬಾರದು. ಯಾರಾದರೂ ಸ್ವ ಇಚ್ಛೆಯಿಂದ ಮತಾಂತರಗೊಂಡರೆ ಅದು ತಪ್ಪಾಗಲಾರದು. ನನ್ನ ಪೂರ್ವಜರು ಇಸ್ಲಾಂಗೆ ಸ್ವ ಇಚ್ಛೆಯಿಂದ ಮತಾಂತರಗೊಂಡಿದ್ದರು. ತಮ್ಮ ಕುಟುಂಬದ ಕೆಲವರು ಇನ್ನೂ ಹಿಂದೂ ಧರ್ಮದಲ್ಲಿದ್ದು, ತಾನು ಅವರೊಂದಿಗೆ ಉತ್ತಮ ಸಂಬಂಧದಲ್ಲಿರುವುದಾಗಿ ಖಾನ್ ತಿಳಿಸಿದ್ದಾರೆ.

ಬಿಎಸ್ಪಿ ತೊರೆದು ನಿತೀಶ್ ಕುಮಾರ್ ನೇತೃತ್ವದ ಜೆಡಿಯುಗೆ ಸೇರಿದ್ದ ಜಮಾ ಖಾನ್, ಬಿಹಾರದಲ್ಲಿ ಜೆಡಿಯು ಸರ್ಕಾರದ ಏಕೈಕ ಮುಸ್ಲಿಂ ಸಚಿವರಾಗಿದ್ದಾರೆ.