►ಮೇ ತಿಂಗಳಲ್ಲಿ ನಿಧನರಾದ ವ್ಯಕ್ತಿಗೆ ಡಿಸೆಂಬರ್ ನಲ್ಲಿ ವ್ಯಾಕ್ಸಿನೇಶನ್ ಮೆಸೇಜ್!
ಭೋಪಾಲ: ಮಧ್ಯಪ್ರದೇಶದ ರಾಯ್‌ ಗಢದಲ್ಲಿ ಮೃತ ವ್ಯಕ್ತಿಯ ಹೆಸರಿನಲ್ಲಿ ಕೋವಿಡ್ ಲಸಿಕೆಯ ಪ್ರಮಾಣಪತ್ರ ಬಂದಿರುವ ಘಟನೆ ವರದಿಯಾಗಿದೆ.
ಬಿಯೋರಾ ಪಟ್ಟಣದ ಪುರುಷೋತ್ತಮ ಶಕ್ಯಾವರ್ (78) ಎಂಬವರು ಮೇ ತಿಂಗಳಲ್ಲಿ ನಿಧನರಾಗಿದ್ದರು.
ವ್ಯಕ್ತಿ ಸಾವಿಗೀಡಾಗಿರುವ ಹಲವು ತಿಂಗಳುಗಳ ಬಳಿಕ ಕೋವಿಡ್ ಲಸಿಕೆಯ ಎರಡನೇ ಡೋಸ್ ಹಾಕಿಸಿಕೊಂಡಿರುವುದಕ್ಕೆ ಸಂಬಂಧಿಸಿದಂತೆ ಮೊಬೈಲ್ ಸಂದೇಶ ಲಭ್ಯವಾಗಿದೆ.
ತಾಂತ್ರಿಕ ದೋಷದಿಂದಾಗಿ ಹೀಗೆ ಸಂಭವಿಸಿರಬಹುದು ಎಂದು ಅಧಿಕಾರಿಗಳು ಸ್ಪಷ್ಟನೆ ನೀಡಿದ್ದಾರೆ.
ಈ ಲೋಪದ ಕುರಿತು ತನಿಖೆ ನಡೆಸಲಾಗುತ್ತಿದೆ ಎಂದು ಕೋವಿಡ್ ಲಸಿಕೆ ಅಧಿಕಾರಿ ಡಾ. ಪಿ.ಎಲ್. ಭಗೋರಿಯ ತಿಳಿಸಿದ್ದಾರೆ.
ನಮ್ಮ ಯೂಟ್ಯೂಬ್ ಚಾನೆಲನ್ನು Subscribe ಮಾಡಿ : Prasthutha News
