March 6, 2021

ದಮ್ಮಾಮ್ IFF ನಾಯಕ ಅಬ್ದುಲ್ ವಾಹಿದ್ ನಿಧನ | ಸಂತಾಪ ಸೂಚಕ ಸಭೆ

ದಮ್ಮಾಮ್: ಇತ್ತೀಚೆಗೆ ನಿಧನರಾದ ಇಂಡಿಯಾ ಫ್ರೆಟರ್ನಿಟಿ‌ ಫೋರಂ‌ನ ನಾಯಕ ಮುಹಮ್ಮದ್ ಅಬ್ದುಲ್ ವಾಹಿದ್ ರಿಗೆ ಸಂತಾಪ ಸೂಚನೆಯ ಭಾಗವಾಗಿ ಆನ್ ಲೈನ್ ಸಭೆ ಇತ್ತೀಚೆಗೆ ನಡೆಯಿತು.

ಐ.ಎಫ್.ಎಫ್, ದಮ್ಮಾಮ್ ಪ್ರಾಂತ್ಯ ಸಮಿತಿಯ ಕಾರ್ಯದರ್ಶಿ ಅಬ್ದುಲ್‌ ಸಲಾಂ ಮಾಸ್ಟರ್ ಅಬ್ದುಲ್ ವಾಹಿದ್ ಸಾಮಾಜಿಕ ಬದುಕನ್ನು ಪರಿಚಯಿಸಿದರು.

ಅಲ್ಲಾಹನು ವಾಹಿದ್ ರಿಗೆ ಎಲಾ ಸೌಲಭ್ಯಗಳನ್ನು ನೀಡಿದ್ದನು. ತನ್ನನ್ನು ಪ್ರೀತಿಸುವ ಕುಟುಂಬ, ಕೈತುಂಬ ಸಂಬಳವಿರುವ  ಉದ್ಯೋಗ ಎಲ್ಲವೂ ಅವರ ಬಳಿ ಇತ್ತು. ತನ್ನ ಕುಟುಂಬ ಮತ್ತು ಉದ್ಯೋಗವನ್ನು ಮುನ್ನಡೆಸುತ್ತಾ ನೆಮ್ಮದಿಯ  ಜೀವನವನ್ನು ಮುಂದುವರಿಸುವುದು ಸಾಧ್ಯವಾಗಿತ್ತಾದರೂ ಆವರು ತನ್ನನ್ನು ಅಲ್ಲಿಗೇ ಸೀಮಿತ ಗೊಳಿಸಲಿಲ್ಲ. ಇಂಡಿಯಾ ಫ್ರೆಟರ್ನಿಟಿ ಫಾರಂನಲ್ಲಿ ಸಕ್ರಿಯರಾಗಿದ್ದ ಅವರು ಸಂಕಷ್ಟದಲ್ಲಿದ್ದ ಅನಿವಾಸಿಗಳನ್ನು ನೆರವಾಗುತ್ತಿದ್ದರು. ಸೌದಿ ಅರೇಬಿಯಾದಲ್ಲಿ ಸಂಕಷ್ಟಕ್ಕೆ ಸಿಲುಕಿರುವವರಿಗೆ ಮಾತ್ರವಲ್ಲದೆ ತಾಯ್ನಾಡಿನಲ್ಲೂ ಬಡಬಗ್ಗರಿಗೆ ಸಹಾಯ ಹಸ್ತ ಚಾಚುತ್ತಿದ್ದರು. ಭಾರತದ ಬಿಹಾರ, ಪಶ್ಚಿಮ ಬಂಗಾಳ  ಮತ್ತು ತೆಲಂಗಾಣಗಳ ದೂರದ ಗ್ರಾಮಗಳಲ್ಲಿ ನಡೆಯುವ ಅಭಿವೃದ್ಧಿ ಕೆಲಸಗಳಲ್ಲಿ ಅವರು ನೇರವಾಗಿ ತೊಡಗಿಕೊಳ್ಳುತ್ತಿದ್ದರು. ಹಣಕಾಸಿನ ಸಹಾಯ ನೀಡುವುದೇ ಅಲ್ಲದೆ ರಜಾ ಅವಧಿಯಲ್ಲಿ ಈ  ಗ್ರಾಮಗಳಿಗೆ ಭೇಟಿ ನೀಡಿ ಅಲ್ಲಿನ ಜನರೊಂದಿಗೆ ಬೆರೆತು ಅವರ ಸಮಸ್ಯೆಗಳನ್ನು ಆಲಿಸುತ್ತಿದ್ದರು.

ಸೌದಿ ಅರೇಬಿಯಾದಲ್ಲಿ ಅವರು ನಿರಂತರವಾಗಿ ಅನಿವಾಸಿ ಭಾರತಿಯರಿಗಾಗಿ ಸಾಮಾಜಿಕ ಚಟುವಟಿಕೆಗಗಳು ಮತ್ತು ಮಾನವೀಯ ಕೆಲಸ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿದ್ದರು.  ರಿಯಾದ್ ನಲ್ಲಿರುವ ಭಾರತಿಯ  ರಾಯಭಾರಿ ಕಛೇರಿಯ ಸಂಯೋಜನೆಯೊಂದಿಗೆ ಅನಿವಾಸಿ ಭಾರತೀಯ ಕಾರ್ಮಿಕರಿಗೆ ನೆರವಾಗುತ್ತಿದ್ದರು. ಸೌದಿ ಅರೇಬಿಯಾದ ಪೂರ್ವ ಪ್ರಾಂತ್ಯದಲ್ಲಿ ವಿಶೇಷವಾಗಿ ಹೈದರಬಾದ್ ಸಮುದಾಯದ ಮಧ್ಯೆ ಅವರು ತಮ್ಮ ಸಾಮಾಜಿಕ ಚಟುವಟಿಕೆಗಳಿಗಾಗಿ ಹೆಸರು ವಾಸಿಯಾಗಿದ್ದರು. ಯುವ ಉದ್ಯಮಿಯಾಗಿ ಅವರು 1991ರಲ್ಲಿ ಹೈದರಾಬಾದ್ ನಲ್ಲಿ ಮಾವ್ಸ್ ಇನ್ ಫಾರ್ಮೇಶನ್ ಟೆಕ್ ಕಂಪೆನಿ ಯನ್ನು ಸ್ಥಾಪಿಸಿದ್ದರು ಮತ್ತು 1994ರ ತನಕ ಅದರ ವ್ಯವಸ್ಥಾಪನಾ ಪಾಲುದಾರರಾಗಿದ್ದರು.

ಸೌದೀಕರಣದ ಸಂದರ್ಭದಲ್ಲಿ ಭಾರತೀಯ ಅನಿವಾಸಿ ಸಮುದಾಯ ತೀವ್ರ ಸಂಕಷ್ಟದಲ್ಲಿದ್ದಾಗ ಅವರ ಸಂಕಷ್ಟಗಳನ್ನು  ಪರಿಹರಿಸುವುದಕ್ಕಾಗಿ ಅವರು ಮಾಡಿದ ಪ್ರಯತ್ನಗಳು ವ್ಯಾಪಕ ಶ್ಲಾಘನೆಗೆ ಕಾರಣವಾಗಿತ್ತು. ಇಂಡಿಯಾ ಫ್ರೆಟರ್ನಿಟಿ ಫೋರಂ ಪರವಾಗಿ ಅವರು ಹಲವು ಕಾರ್ಮಿಕ ಶಿಬಿರಗಳಲ್ಲಿ ಆರೋಗ್ಯ, ಸುರಕ್ಷತೆ ಮತ್ತು ವೈದ್ಯಕೀಯ ವಿಷಯಗಳಿಗೆ ಸಂಬಂಧಿಸಿ ಜಾಗೃತಿ ಕಾರ್ಯಕ್ರಮಗಳನ್ನು ಆಯೋಜಿಸಿದ್ದರು. ಇಂಡಿಯಾ ಫ್ರೆಟರ್ನಿಟಿ ಫೋರಂ ಮಾತ್ರವಲ್ಲದೆ  ಹೈದರಾಬಾದ್ ಅಸೋಸಿಯೇಶನ್, ಇಂಡಿಯಾ ಫೋರಂ ನಂತಹ ಇತರ ಸಂಘಟನೆಗಳಲ್ಲೂ ಕ್ರಿಯಾಶೀಲರಾಗಿದ್ದು ವಿದ್ಯಾರ್ಥಿಗಳಿಗೆ ಪುಸ್ತಕಗಳನ್ನು ಒದಗಿಸುವುದು, ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ವ್ಯವಸ್ಥೆ ಗೊಳಿಸುವುದು, ರಾಯಭಾರಿ ಸಂಬಂದಿ ಕೆಲಸಗಳಿಗೆ ಸ್ವಯಂಸೇವಕರನ್ನು ಸಿದ್ಧಗೊಳಿಸುವುದು ಕುಟುಂಬ ಸಮ್ಮಿಲನ ಕಾರ್ಯಕ್ರಮಗಳನ್ನು ವ್ಯವಸ್ಥೆಪಡಿಸುವುದು ಮುಂತಾದ ಕೆಲಸಗಳಲ್ಲಿ ತೊಡಗಿಕೊಂಡಿದ್ದರು. ಹಲವು ಸಂದರ್ಭದಲ್ಲಿ ದೂರದ ಮಕ್ಕಾಗೆ ಹೋಗಿ ಭಾರತದಿಂದ ಬರುವ ಹಜ್ಜಾಜ್ ಗಳ ಸೇವೆಯಲ್ಲಿ ತೊಡಗಿಕೊಂಡಿದ್ದರು ಎಂದು ಅಬ್ದುಲ್ ಸಲಾಂ ಮಾಸ್ಟರ್ ವಿವರಿಸಿದ್ದಾರೆ.

ವಿವಿಧ ಕ್ಷೇತ್ರದಲ್ಲಿ ಅವರು ತೊಡಗಿಸಿಕೊಂಡಿದ್ದ ಕುರಿತ ಕಿರುಚಿತ್ರವನ್ನೂ ಕಾರ್ಯಕ್ರಮದಲ್ಲಿ ಪ್ರದರ್ಶಿಸಲಾಯಿತು.

ಹದಿನೇಳು ವರ್ಷಗಳ ಕಾಲ ಪ್ರತಿಷ್ಠಿತ ಸೌದಿ ಅರಾಮ್ಕೊ ಕಂಪೆನಿಯಲ್ಲಿ ಕೆಲಸ ಮಾಡಿದ್ದ ಅವರು ಪ್ರಸ್ತುತ ಅದಾ ಕಂಪೆನಿ (ಸೌದಿ ಸರಕಾರದ ಸ್ವತಂತ್ರ ಅಂಗ)ಯಲ್ಲಿ ಉದ್ಯೋಗದಲ್ಲಿದ್ದರು.

ವಾಹಿದ್ ಪತ್ನಿ, ಇಬ್ಬರು ಪುತ್ರರು ಮತ್ತು ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ.

  ಕಾರ್ಯಕ್ರಮದಲ್ಲಿ ಅರಾಮ್ಕೊ ಮತ್ತು ರಿಯಾದ್ ನ ಅದಾ ಕಂಪನಿಯ ಪ್ರತಿನಿಧಿಗಳು, ರಾಯಭಾರಿ ಕಚೇರಿ ಸ್ವಯಂ ಸೇವಕ ಅಬ್ರಹಾಂ ವಲಿಯಾಕಲಾ, ಅಲಿಕುಟ್ಟಿ ಒಲವತ್ತೂರು, ಐ ಎಸ್.ಎಫ್ ನಾಯಕ ಅಶ್ರಫ್ ಮೊರಾಯೂರ್, ಮನ್ಸೂರ್ ಷಾ, ಮುಹಮ್ಮದ್ ಬೇಗ್ ಮತ್ತು ಐ.ಎಫ್.ಎಫ್ ನ ಮೂಸಕುಟ್ಟಿ ಪಾಲ್ಗೊಂಡಿದ್ದರು.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!