ನವದೆಹಲಿ: 20 ತಂಡಗಳು ನಾಲ್ಕು ಗುಂಪುಗಳಾಗಿ ಸೆಣಸಾಟ ನಡೆಸಿದ ಟಿ20 ವಿಶ್ವಕಪ್ 2024 ಟೂರ್ನಿಯ ಸೂಪರ್‌ 8 ಹಂತ ನಿನ್ನೆಯಷ್ಟೇ ಮುಕ್ತಾಯವಾಗಿದ್ದು, ಇದುವರೆಗೆ ಅತಿಹೆಚ್ಚು ರನ್ ಗಳಿಕೆ ಹಾಗೂ ಅಧಿಕ ವಿಕೆಟ್‌ ಪಡೆದ ಬೌಲರ್‌ಗಳ ಪಟ್ಟಿಯಲ್ಲಿ ಅಫ್ಗಾನಿಸ್ತಾನ ಆಟಗಾರರು ನಂಬರ್ 1 ಸ್ಥಾನದಲ್ಲಿದ್ದಾರೆ.
ಅಫ್ಘಾನಿಸ್ತಾನದ ಇಬ್ಬರು ಬ್ಯಾಟರ್‌ಗಳ ವಿಭಾಗದಲ್ಲಿ ಹಾಗೂ ಮೂವರು ಬೌಲರ್‌ಗಳ ಲಿಸ್ಟ್‌ನಲ್ಲಿ ಅಗ್ರ ಐದರಲ್ಲಿ ಕಾಣಿಸಿಕೊಂಡಿದ್ದಾರೆ.
7 ಪಂದ್ಯಗಳಲ್ಲಿ ಮೂರು ಅರ್ಧಶತಕ ಸಹಿತ 281 ರನ್ ಗಳಿಸಿದ ರಹಮಾನುಲ್ಲಾ ಗುರ್ಬಾಝ್ ಹೆಚ್ಚು ರನ್ ಗಳಿಸಿಕೊಂಡ ಆಟಗಾರರಾಗಿದ್ದಾರೆ. ಅದೇ ತಂಡದ ಫಝಲ್‌ಹಕ್‌ ಫಾರೂಕಿ 16 ವಿಕೆಟ್‌ ಕಬಳಿಸಿ ಬೌಲರ್‌ಗಳ ಪಟ್ಟಿಯಲ್ಲಿ ಮುಂಚೂಣಿಯಲ್ಲಿದ್ದಾರೆ.
ಹೆಚ್ಚು ರನ್ ಗಳಿಸಿದ ಐವರು
- ರಹಮಾನುಲ್ಲಾ ಗುರ್ಬಾಝ್ (ಅಫ್ಗಾನಿಸ್ತಾನ): 281 ರನ್
- ಟ್ರಾವಿಸ್‌ ಹೆಡ್‌ (ಆಸ್ಟ್ರೇಲಿಯಾ): 255 ರನ್
- ಇಬ್ರಾಹಿಂ ಜದ್ರಾನ್ (ಅಫ್ಗಾನಿಸ್ತಾನ): 229 ರನ್
- ನಿಕೋಲಸ್ ಪೂರನ್ (ವೆಸ್ಟ್‌ ಇಂಡೀಸ್‌): 228 ರನ್
- ಆಯಂಡ್ರೋಸ್ ಗೌಸ್ (ಅಮೆರಿಕ): 219 ರನ್
ಹೆಚ್ಚು ವಿಕೆಟ್‌ ಪಡೆದ ಐವರು
- ಫಝಲ್‌ಹಕ್‌ ಫಾರೂಕಿ (ಅಫ್ಗಾನಿಸ್ತಾನ): 16 ವಿಕೆಟ್‌
- ಆರ್ಶದೀಪ್‌ ಸಿಂಗ್ (ಭಾರತ): 15 ವಿಕೆಟ್‌
- ರಶೀದ್ ಖಾನ್ (ಅಫ್ಗಾನಿಸ್ತಾನ): 14 ವಿಕೆಟ್‌
- ರಿಶದ್‌ ಹೊಸೈನ್‌ (ಬಾಂಗ್ಲಾದೇಶ): 14 ವಿಕೆಟ್‌
- ನವೀನ್‌ ಉಲ್‌ ಹಕ್‌ (ಅಫ್ಗಾನಿಸ್ತಾನ): 13 ವಿಕೆಟ್‌
