ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಮೌನವಾಗಿರುವುದರಿಂದ ಪಕ್ಕದ ಚೀನಾ ಗಡಿಯಲ್ಲಿ ಆಕ್ರಮಣ ಹೆಚ್ಚಾಗಲು ಪ್ರೇರಣೆ ಎಂದು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಆರೋಪಿಸಿದ್ದಾರೆ.
ಭಾರತದ ಗಡಿ ಲಡಾಖ್ ಬಳಿ ಪ್ಯಾಂಗಾಂಗ್ ಸರೋವರದ ಬಳಿ ಚೀನಾ ಅಕ್ರಮವಾಗಿ ಸೇತುವೆ ನಿರ್ಮಿಸಲಾಗುತ್ತಿದೆ ಉಪಗ್ರಹ ಆಧಾರಿತ ವಿಡಿಯೋವನ್ನು ರಾಹುಲ್ ಗಾಂಧಿ ತಮ್ಮ ಟ್ವಿಟರ್‌ನಲ್ಲಿ ಹಂಚಿಕೊಂಡಿರುವ ಅವರು, ಚೀನಾವು ನಮ್ಮ ದೇಶದಲ್ಲಿ ಅಕ್ರಮವಾಗಿ ರಾಜತಾಂತ್ರಿಕ ಸೇತುವೆಯನ್ನು ನಿರ್ಮಿಸುತ್ತಿದೆ. ಆದರೆ ಈ ವಿಷಯದಲ್ಲಿ ಪ್ರಧಾನಿಯವರ ಮೌನ ಸಮಂಜಸವಲ್ಲ ಈ ಕಾರಣದಿಂದ ಪಿಎಲ್‌ಎ (ಚೀನಾ ಸೇನೆ) ಆಸಕ್ತಿ ಹೆಚ್ಚುತ್ತಿದೆ. ಇನ್ನು ಪ್ರಧಾನಿಯವರು ಈ ಸೇತುವೆಯನ್ನು ಉದ್ಘಾಟನೆ ಮಾಡಲು ಹೋದರೂ ಹೋಗಬಹುದು ಎಂಬ ಭಯವಿದೆ ಎಂದರು.
ಲಡಾಖ್ ನ ಪ್ಯಾಂಗಾಂಗ್ ಸರೋವರದ ಬಳಿಯಲ್ಲಿ ದಕ್ಷಿಣ ತೀರದಿಂದ ಉತ್ತರ ತೀರದವರೆಗೆ ಸೇತುವೆ ನಿರ್ಮಾಣವಾಗುತ್ತಿರುವ ಮತ್ತು ಅಲ್ಲಿ ಬೃಹತ್ ಗಾತ್ರದ ಕ್ರೇನ್‌ಗಳು ಬೀಡು ಬಿಟ್ಟಿರುವ ದೃಶ್ಯಗಳು ವಿಡಿಯೊದಲ್ಲಿ ಸೆರೆಯಾಗಿದೆ.
