ಎಕ್ಸ್‌ನಲ್ಲಿ #JusticeForMangaloreMuslims ನಂಬರ್ ಒನ್ ಟ್ರೆಂಡಿಂಗ್‌
ಮಂಗಳೂರು: ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಇತ್ತೀಚೆಗೆ ಹತ್ಯೆಗೊಳಗಾದ ಅಶ್ರಫ್ ಹಾಗೂ ರಹೀಂ ಕೊಲೆ ಪ್ರಕರಣವನ್ನು ಎಸ್‌ಐಟಿಗೆ ನೀಡಲು ಆಗ್ರಹಿಸಿ #SITProbeForAshrafRahiman ಎಕ್ಸ್ ನಲ್ಲಿ ನಂಬರ್ ಒನ್ ಟ್ರೆಂಡ್ ಆಗಿದೆ.
ಇದೇ ವೇಳೆ, ಮಂಗಳೂರು ಮುಸ್ಲಿಮರ ಹೋರಾಟ #JusticeForMangaloreMuslims ಎಂಬ ಅಭಿಯಾನವೂ ಎಕ್ಸ್ ಸಾಮಾಜಿಕ ಖಾತೆಯಲ್ಲಿ ಟ್ರೆಂಡ್ ಆಗಿದೆ.
ಒಂದೇ ರಾಜ್ಯದ ಒಂದೇ ಜಿಲ್ಲೆಯಲ್ಲಿ 3 ಕೊಲೆಗಳು – ಆದರೆ ಬಜರಂಗದಳದ ರೌಡಿಶೀಟರ್ ಹತ್ಯೆಗೆ ಮಾತ್ರ NIA ತನಿಖೆ ಸಿಕ್ಕಿದೆ, ಆದರೆ ಎರಡು ಮುಸ್ಲಿಂ ಕೊಲೆಗಳಿಗೆ SIT ತನಿಖೆ ಇಲ್ಲ, ಪರಿಹಾರವೂ ಇಲ್ಲ. ಈ ಅನ್ಯಾಯ ಮತ್ತು ತಾರತಮ್ಯ ಏಕೆ ಎಂದು ಎಸ್ ಡಿಪಿಐ ರಾಜ್ಯಾಧ್ಯಕ್ಷ ಅಬ್ದುಲ್ ಮಜೀದ್ ಪೋಸ್ಟ್ ಮಾಡಿದ್ದಾರೆ.
ದ್ವೇಷ ಭಾಷಣಗಳು/ಅಪರಾಧಗಳು ಮಂಗಳೂರನ್ನು ಯುಗಯುಗಗಳಿಂದ ಕಾಡುತ್ತಿವೆ ಆದರೆ ನಮ್ಮ ಸರ್ಕಾರ ಮತ್ತು ಅಧಿಕಾರಶಾಹಿ ನಿಜವಾದ ಅಪರಾಧಿಗಳನ್ನು ಬೇರುಸಹಿತ ಕಿತ್ತುಹಾಕುವಲ್ಲಿ ಯಾವುದೇ ಆಸಕ್ತಿಯನ್ನು ತೋರಿಸಿಲ್ಲ. ದ್ವೇಷ ಭಾಷಣಗಳನ್ನು ನಿಲ್ಲಿಸದೆ ನೀವು ಕಾನೂನು ಮತ್ತು ಸುವ್ಯವಸ್ಥೆಯನ್ನು ಕಾಪಾಡಲು ಸಾಧ್ಯವಿಲ್ಲ ಎಂದು ಬಳಕೆದಾರರೊಬ್ಬರು ಪೋಸ್ಟ್ ಮಾಡಿದ್ದಾರೆ.
ಮಂಗಳೂರು ಮುಸ್ಲಿಮರ ದುಃಖಕರ ವಾಸ್ತವ!! ಗುಂಪು ಹಲ್ಲೆ. ದ್ವೇಷ ಭಾಷಣಗಳು. ಅಮಾಯಕರ ಹತ್ಯೆ. ರಾಷ್ಟ್ರೀಯ ಮಾಧ್ಯಮಗಳಿಂದ ಕಿವುಡಗೊಳಿಸುವ ಮೌನವಿದೆ? ಶೀರ್ಷಿಕೆಗಳಿಲ್ಲವೇ? ಚರ್ಚೆಗಳಿಲ್ಲವೇ? ಅಶ್ರಫ್ ಮತ್ತು ರಹಿಮಾನ್ ಪ್ರಕರಣದ ಬಗ್ಗೆ ಎಸ್‌ಐಟಿ ತನಿಖೆಗೆ ನಾವು ಒತ್ತಾಯಿಸುತ್ತೇವೆ ಎಂದು ಎಸ್ ಡಿಪಿಐ ಮುಖಂಡ ಅಪ್ಸರ್ ಕೊಡ್ಲಿಪೇಟೆ ಹೇಳಿದ್ದಾರೆ
