ಮುಂಬೈ: ನ್ಯೂಜಿಲೆಂಡ್‌ನ ಎಡಗೈ ಸ್ಪಿನ್ನರ್‌ ಅಜಾಝ್ ಪಟೇಲ್‌ ಅವರ 10 ವಿಕೆಟ್‌ಗಳ ಸಾಧನೆಯನ್ನು ತಪ್ಪಿಸಲು ‘ಡಿಕ್ಲೇರ್‌ ಕರೋ, ಡಿಕ್ಲೇರ್‌ ಕರೋ’ ಎಂದು ಕೆಲವು ಅಭಿಮಾನಿಗಳು ಘೋಷಣೆ ಕೂಗಿದ್ದಾರೆ.
ಭಾರತ ತಂಡದ ಜಯಂತ್‌ ಯಾದವ್‌ ಅವರ ವಿಕೆಟ್ ಪಡೆಯುವುದರೊಂದಿಗೆ 9 ವಿಕೆಟ್ ಗಳನ್ನು ಗಳಿಸಿದ ಎಜಾಝ್ ಇನ್ನೇನು ಜಿಮ್‌ ಲೇಕರ್‌ ಮತ್ತು ಅನಿಲ್‌ ಕುಂಬ್ಳೆ ಅವರ ಸಾಧನೆಯನ್ನು ಸರಿಗಟ್ಟುತ್ತಾರೆ ಎಂಬುದು ಗೊತ್ತಾಗುತ್ತಿದ್ದಂತೆ ಅಭಿಮಾನಿಗಳು ‘ಡಿಕ್ಲೇರ್‌ ಕರೋ, ಡಿಕ್ಲೇರ್‌ ಕರೋ’ ಎಂದು ಬೊಬ್ಬೆ ಹಾಕಿದ್ದು, ಈ ವೀಡಿಯೋ ಭಾರೀ ವೈರಲ್ ಆಗಿದೆ.
ಆದರೆ ಅದೇ ಓವರ್ ನಲ್ಲಿ ಮೊಹಮ್ಮದ್‌ ಸಿರಾಜ್‌ ವಿಕೆಟ್ ಪಡೆದ ಅಜಾಝ್ ಎಲ್ಲ 10 ವಿಕೆಟ್‌ಗಳನ್ನು ಕಬಳಿಸಿದ ದಾಖಲೆ ನಿರ್ಮಿಸಿ ಬೀಗಿದ್ದಾರೆ.
ಅಜಾಝ್ ಪಟೇಲ್‌ ಅವರಿಗೆ ಅಭಿನಂದನೆ ತಿಳಿಸಿರುವ ಅನಿಲ್‌ ಕುಂಬ್ಳೆ, 10 ವಿಕೆಟ್ ಸಾಧಕರ ಕ್ಲಬ್‌ಗೆ ಸ್ವಾಗತ ಎಂದು ಟ್ವೀಟ್‌ ಮಾಡಿದ್ದಾರೆ.
