ಈ ವರ್ಷದ ಹಜ್ ಗೆ ವಯೋಮಿತಿಯನ್ನು ಕೈಬಿಟ್ಟ ಕೇಂದ್ರ ಹಜ್ ಸಮಿತಿ

Prasthutha: December 15, 2021

ಹೊಸದಿಲ್ಲಿ: 2022ರ ಹಜ್ ಗೆ ಅರ್ಜಿ ಸಲ್ಲಿಸಲು ವಯಸ್ಸಿನ ಮಿತಿಯನ್ನು ಕೇಂದ್ರ ಹಜ್ ಸಮಿತಿ ಕೈಬಿಟ್ಟಿದೆ.

ಪೂರ್ವನಿರ್ಧರಿತ ವಯಸ್ಸಿನ ಮಿತಿ 65 ವರ್ಷಗಳು. ಇದನ್ನು ಕೈಬಿಟ್ಟ ನಂತರ 70 ವರ್ಷ ಮೇಲ್ಪಟ್ಟವರಿಗೂ ಕೂಡ ಮೊದಲಿನಂತೆ ಮೀಸಲು ವರ್ಗದಲ್ಲಿ ಅರ್ಜಿ ಸಲ್ಲಿಸಬಹುದು.

ಮೀಸಲಾತಿ ವಿಭಾಗದಲ್ಲಿ ಅರ್ಜಿ ಸಲ್ಲಿಸಿದವರೊಂದಿಗೆ ಒಬ್ಬರು ಸಹಾಯಕರಾಗಿ ಇರಬೇಕು. 70 ವರ್ಷಕ್ಕಿಂತ ಮೇಲ್ಪಟ್ಟ ಇಬ್ಬರು ವ್ಯಕ್ತಿಗಳು ಜೊತೆಯಲ್ಲಿದ್ದರೆ ಇಬ್ಬರು ಸಹಾಯಕರನ್ನು ಅನುಮತಿಸಲಾಗುತ್ತದೆ. ಜೊತೆಯಲ್ಲಿ ಪತ್ನಿ, ಪತಿ, ಸಹೋದರರು, ಮಕ್ಕಳು, ಸೊಸೆಯಂದಿರು, ಮೊಮ್ಮಕ್ಕಳನ್ನು ಸಹಾಯಕರಾಗಿ ಅನುಮತಿಸಲಾಗುವುದು.

ಸಹಾಯಕರಾಗಿ ಇರುವವರು ಅವರ ಸಂಬಂಧವನ್ನು ಸಾಬೀತುಪಡಿಸಲು ಸಾಕಷ್ಟು ದಾಖಲೆಗಳನ್ನು ಅರ್ಜಿಯೊಂದಿಗೆ ಸಲ್ಲಿಸಬೇಕು. ಮೀಸಲಾತಿ ವರ್ಗದಲ್ಲಿ ಅರ್ಜಿ ಸಲ್ಲಿಸಿದ 70 ವರ್ಷದ ವ್ಯಕ್ತಿ ಯಾತ್ರೆಯನ್ನು ಕೈಬಿಟ್ಟರೆ ಜೊತೆಯಲ್ಲಿರುವ ಸಹಾಯಕನ ಪ್ರಯಾಣವನ್ನು ಸಹ ರದ್ದುಗೊಳಿಸಲಾಗುವುದು. ಅರ್ಜಿದಾರರ ಸಂಖ್ಯೆಯಲ್ಲಿ ಹೆಚ್ಚಳ ಕಂಡುಬಂದಲ್ಲಿ, ಚೀಟಿ ಎತ್ತುವ ಮೂಲಕ ಆಯ್ಕೆ ಮಾಡಲಾಗುವುದು ಎಂದು ತಿಳಿಸಲಾಗಿದೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!