November 6, 2020

ಪೊಲೀಸರ ನಿದ್ದೆಗೆಡಿಸಿತು ‘ಗೂಂಡಾ ಸೇವೆ’ಯ ಜಾಹೀರಾತು!

ಲಖನೌ : ಬಹುಷಃ ಸಿನೆಮಾಗಳಲ್ಲಿ ಕಾಮಿಡಿಗೋಸ್ಕರ ಇಂತಹ ದೃಶ್ಯಗಳನ್ನು ನೀವು ನೋಡಿರುತ್ತೀರಾ…! ಆದರೆ, ಉತ್ತರ ಪ್ರದೇಶ ಗೂಂಡಾ ಗ್ಯಾಂಗ್ ಒಂದು ನಿಜ ಜೀವನದಲ್ಲೇ ರೌಡಿಸಂಗೆ ‘ಡಿಜಿಟಲ್ ಜಾಹೀರಾತು’ ನೀಡಿ ಪೊಲೀಸರ ಅತಿಥಿಯಾಗಿದ್ದಾರೆ.

ಡಿಜಿಟಲ್‌ ಮಾಧ್ಯಮದ ಮೂಲಕ ತಮ್ಮ ‘ಸೇವೆ’ಯ ಕುರಿತು ಜಾಹೀರಾತು ನೀಡಿದ್ದ ಗೂಂಡಾ ಗ್ಯಾಂಗ್ ಒಂದು, ವಿವಿಧ ‘ಗೂಂಡಾ ಸೇವೆ’ಯ ದರಪಟ್ಟಿ ಪ್ರಕಟಿಸಿತ್ತು. ಕೈಕಾಲು ಮುರಿದರೆ 5,000 ರೂ. , ಧಮಕಿ ಹಾಕಬೇಕಾದರೆ 1,000 ರೂ, ಹಾಫ್ ಮರ್ಡರ್‌ಗೆ 25,000 ರೂ., ಮರ್ಡರ್‌ಗೆ 55,000 ರೂ. ಎಂಬ ಜಾಹೀರಾತೊಂದನ್ನು ಈ ಗ್ಯಾಂಗ್ ಪ್ರಕಟಿಸಿತ್ತು. ಜಾಹೀರಾತನ್ನು ನೋಡಿ ಯು.ಪಿ. ಪೊಲೀಸರು ಬೆಚ್ಚಿಬಿದ್ದಿದ್ದರು.

ತಕ್ಷಣ ಜಾಗೃತಗೊಂಡ ಪೊಲೀಸರು ಸಾಮಾಜಿಕ ಜಾಲತಾಣಗಳಲ್ಲಿ ಹರಡಲಾಗಿದ್ದ ಈ ಜಾಹೀರಾತನ್ನು ನೀಡಿದ್ದ ಗ್ಯಾಂಗ್ ಅನ್ನು ಪತ್ತೆ ಹಚ್ಚುವಲ್ಲಿ ಯಶಸ್ವಿಯಾಗಿದ್ದಾರೆ. ದರ ಪಟ್ಟಿಯ ಜೊತೆಗೆ ಪಿಸ್ತೂಲು ಹಿಡಿದುಕೊಂಡ ಒಬ್ಬ ಯುವಕನ ಫೋಟೊ ಕೂಡ ಇತ್ತು. ಇದು ಆರೋಪಿಗಳನ್ನು ತ್ವರಿತವಾಗಿ ಪತ್ತೆಹಚ್ಚಲು ಪೊಲೀಸರಿಗೆ ನೆರವಾಯಿತು.

ಶೋಷಿತ, ದಮನಿತ ಸಮುದಾಯಗಳ ಧ್ವನಿಯಾಗಿರುವ ಮತ್ತು ಜನಸಾಮಾನ್ಯರ ಸಮಸ್ಯೆಗಳಿಗೆ ಸದಾ ಮಿಡಿಯುವ ಪ್ರಸ್ತುತ ಪಾಕ್ಷಿಕಕ್ಕೆ ಚಂದಾದಾರಾಗಿರಿ. ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ