ತುಮಕೂರು: ಈದುಲ್ ಫಿತ್ರ್ ಹಬ್ಬ ಮುಗಿಸಿ ಕಾರಿನಲ್ಲಿ ಸಂಬಂಧಿಕರ ಮನೆಗೆ ತೆರಳುತ್ತಿದ್ದಾಗ ಲಾರಿ ಡಿಕ್ಕಿ ಹೊಡೆದ ಪರಿಣಾಮ ಪತಿ, ಪತ್ನಿ ಹಾಗೂ ಎರಡು ವರ್ಷದ ಓರ್ವ ಪುತ್ರ ಸೇರಿ ಒಂದೇ ಕುಟುಂಬದ ಮೂವರು ದಾರುಣವಾಗಿ ಸಾವನ್ನಪ್ಪಿದ ಘಟನೆ ತುಮಕೂರಿನ ಹುಲಿಯೂರು ದುರ್ಗ ಸಮೀಪ ಮಂಗಳವಾರ ನಡೆದಿದೆ.
ರಾಮನಗರ ಜಿಲ್ಲೆಯ ಚನ್ನಪಟ್ಟಣ ಶಾಮಿಯಾ ಮೊಹಲ್ಲಾ ನಿವಾಸಿಗಳಾದ ಸಯ್ಯದ್ ಮುಹಮ್ಮದ್ ನಝ್ಮಿ (42), ನಾಜಿಯಾ (30), ಸಯ್ಯದ್ ಕುದ್ಮೀರ್ (2) ಮೃತಪಟ್ಟವರು. ತೀವ್ರವಾಗಿ ಗಾಯಗೊಂಡ ಮೂರು ವರ್ಷದ ಸಯ್ಯದ್ ಕುದ್ಮೀರ್ ನಬಿ ಎಂಬ ಮಗುವನ್ನು ಆದಿಚುಂಚನಗಿರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಸಯ್ಯದ್ ಮುಹಮ್ಮದ್ ಅವರು ಇಂದು ಈದುಲ್ ಫಿತ್ರ್ ನಮಾಝ್ ಮುಗಿಸಿ ಕುಟುಂಬದೊಂದಿಗೆ ಸಂಬಂಧಿಕರ ಮನೆಗೆ ಹೋಗುತ್ತಿದ್ದಾಗ ಹೈದರಾಬಾದ್ ನಿಂದ ಕೇರಳಕ್ಕೆ ತೆರಳುತ್ತಿದ್ದ ಲಾರಿ ಡಿಕ್ಕಿ ಹೊಡೆದು ಈ ದುರಂತ ಸಂಭವಿಸಿದೆ.
ಹುಲಿಯೂರುದುರ್ಗ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪ್ರಕರಣ ದಾಖಲಿಸಿ ಮುಂದಿನ ಕ್ರಮಕೈಗೊಂಡಿದ್ದಾರೆ.
