January 25, 2021

ನಾಳೆ ರೈತರ ಟ್ರಾಕ್ಟರ್ ಕ್ರಾಂತಿ | ದೆಹಲಿಯತ್ತ 2 ಲಕ್ಷಕ್ಕೂ ಅಧಿಕ ಟ್ರಾಕ್ಟರ್ ಗಳು!

ನವದೆಹಲಿ : ಕೇಂದ್ರ ಸರಕಾರದ ನೂತನ ಕೃಷಿ ನೀತಿ ವಿರೋಧಿಸಿ ರೈತರು ನಡೆಸುತ್ತಿರುವ ಪ್ರತಿಭಟನೆ ಬೆಂಬಲಿಸಿ, ಜ.26ರ (ನಾಳೆ) ಗಣರಾಜ್ಯೋತ್ಸವದ ಸಂದರ್ಭ ದೆಹಲಿಯಲ್ಲಿ ನಡೆಸಲುದ್ದೇಶಿಸಲಾಗಿರುವ ‘ಟ್ರಾಕ್ಟರ್ ಪರೇಡ್ ಗೆ ಪಂಜಾಬ್ ಮತ್ತು ಹರ್ಯಾಣದಿಂದಲೇ ಸುಮಾರು 1,80,000 ಟ್ರಾಕ್ಟರ್ ಗಳು ಬರಲಿವೆ ಎಂದು ವರದಿಗಳು ತಿಳಿಸಿವೆ.

ಈಗಾಗಲೇ ಸಾವಿರಾರು ಟ್ರಾಕ್ಟರ್ ಗಳು ಪಂಜಾಬ್ ಮತ್ತು ಹರ್ಯಾಣಗಳು ಹೆದ್ದಾರಿಗಳಲ್ಲಿ ಹೊರಟಿವೆ. ಹರ್ಯಾಣದಿಂದ 1,00,000 ಮತ್ತು ಪಂಜಾಬ್ ನಿಂದ 80,000 ಟ್ರಾಕ್ಟರ್ ಗಳು ದೆಹಲಿಗೆ ಗಡಿಗಳಿಗೆ ಮಂಗಳವಾರ ಮುಂಜಾನೆ ತಲುಪಲಿವೆ ಎಂದು ರೈತ ಮುಖಂಡರು ಹೇಳುತ್ತಿದ್ದಾರೆ. ಇನ್ನೂ ಕೆಲವು ರಾಜ್ಯಗಳಿಂದ ಟ್ರಾಕ್ಟರ್ ಗಳು ಆಗಮಿಸುವ ನಿರೀಕ್ಷೆಯಿದೆ. ಹೀಗಾಗಿ 2 ಲಕ್ಷಕ್ಕೂ ಹೆಚ್ಚು ಟ್ರಾಕ್ಟರ್ ಗಳು ದೆಹಲಿಗೆ ತಲುಪುವ ಸಾಧ್ಯತೆಯಿದೆ.

ಪಂಜಾಬ್ ಮತ್ತು ಹರ್ಯಾಣಗಳಿಂದ ಶುಕ್ರವಾರದಿಂದ ಟ್ರಾಕ್ಟರ್ ಗಳು ದೆಹಲಿಯತ್ತ ಹೊರಟಿವೆ. ಭಾನುವಾರ ಮತ್ತೆ 10,000 ಟ್ರಾಕ್ಟರ್ ಗಳು ಹೊರಟಿವೆ ಎಂದು ವರದಿಗಳು ತಿಳಿಸಿವೆ.

ಆದಾಗ್ಯೂ, ಪಂಜಾಬ್ ಮತ್ತು ಹರ್ಯಾಣದಿಂದ 50,000ಕ್ಕೂ ಹೆಚ್ಚು ಟ್ರಾಕ್ಟರ್ ಗಳು ದೆಹಲಿಯತ್ತ ಹೆದ್ದಾರಿಗಳಲ್ಲಿ ಚಲಿಸುತ್ತಿವೆ ಎಂದು ಸರಕಾರದ ಗುಪ್ತಚರ ವರದಿಗಳೇ ತಿಳಿಸಿವೆ. ಹೀಗಾಗಿ ನಾಳೆ ದೆಹಲಿ ಸುತ್ತಮುತ್ತ ಸಂಪೂರ್ಣ ಸಂಚಾರ ಅಸ್ತವ್ಯಸ್ಥವಾಗುವ ಲಕ್ಷಣವಿದೆ.

ಈಗಾಗಲೇ ಸಾವಿರಾರು ಟ್ರಾಕ್ಟರ್ ಗಳಲ್ಲಿ ರೈತರು ದೆಹಲಿ ಗಡಿ ಪ್ರದೇಶಗಳಲ್ಲಿ ಆಶ್ರಯ ಪಡೆದಿದ್ದಾರೆ. ಇನ್ನಷ್ಟು ಟ್ರಾಕ್ಟರ್ ಗಳು ನಾಳೆ ದೆಹಲಿ ಗಡಿ ತಲುಪುವುದರಿಂದ ಹೆದ್ದಾರಿಗಳು ಸಂಪೂರ್ಣ ರೈತ ಹೋರಾಟಗಾರರಿಂದ ತುಂಬುವ ನಿರೀಕ್ಷೆಯಿದೆ.   

ಶೋಷಿತ, ದಮನಿತ ಸಮುದಾಯಗಳ ಧ್ವನಿಯಾಗಿರುವ ಮತ್ತು ಜನಸಾಮಾನ್ಯರ ಸಮಸ್ಯೆಗಳಿಗೆ ಸದಾ ಮಿಡಿಯುವ ಪ್ರಸ್ತುತ ಪಾಕ್ಷಿಕಕ್ಕೆ ಚಂದಾದಾರಾಗಿರಿ. ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ