September 8, 2020

ದುಬೈ ವಿಸಿಟ್ ವೀಸಾ ಅವಧಿ ಮುಗಿದವರಿಗೆ ದಂಡ ಪಾವತಿಸದೆ ವಾಪಸಾಗಲು ಅಂತಿಮ 4 ದಿನಗಳ ಕಾಲಾವಕಾಶ

ಮಾರ್ಚ್ 1, 2020 ರ ನಂತರ ಪ್ರವಾಸಿ ವೀಸಾ ಅವಧಿ ಮುಗಿದ ಅನಿವಾಸಿಗಳು ಯಾವುದೇ ದಂಡ ವಿಧಿಸದೆ ತಮ್ಮ ದೇಶಗಳಿಗೆ ಮರಳಲು ದುಬೈ ಪ್ರಾಧಿಕಾರ ವಿಧಿಸಿದ್ದ ಒಂದು ತಿಂಗಳ ಕಾಲಾವಧಿಗೆ ಸೆಪ್ಟಂಬರ್ 7ರಿಂದ ಕೇವಲ 4 ದಿನಗಳ ಕಾಲಾವಕಾಶ ಬಾಕಿಯುಳಿದಿದೆ.  ಈ ಕುರಿತು ಅಧಿಕೃತ ಹೇಳಿಕೆ ನೀಡಿದ್ದ ಸಂಯುಕ್ತ ರಾಜ್ಯಗಳ ಗುರುತು ಮತ್ತು ಪೌರತ್ವದ ಪ್ರಾಧಿಕಾರ (ICA), ಕಳೆದ ಆಗಸ್ಟ್ 11ರಂದು ಒಂದು ತಿಂಗಳ ಕಾಲಾವಧಿ ನಿಗದಿ ಮಾಡಿತ್ತು. ಅದು ಸಪ್ಟಂಬರ್ 11ಕ್ಕೆ ಮುಗಿಯಲಿದೆ.

ಕೊರೋನಾ ಸಾಂಕ್ರಾಮಿಕದಿಂದಾಗಿ ತಮ್ಮ ತಮ್ಮ ದೇಶಗಳಿಗೆ ಮರಳಲು ಸಾಧ್ಯವಾಗದೆ ದುಬೈಯಲ್ಲಿ ಬಾಕಿಯಾಗಿರುವ ಎಲ್ಲಾ ವಿದೇಶಿಗಳಿಗೆ ಐಸಿಎ ಪ್ರಾಧಿಕಾರ ಯಾವುದೇ ದಂಡ ಪಾವತಿಸದೆ ಮರಳಲು ಸಪ್ಟಂಬರ್ 11ಕ್ಕೆ ಅಂತಿಮ ದಿನದ ಗಡುವು ನೀಡಿತ್ತು. ಒಂದೋ ಪ್ರವಾಸಿಗರು ತಮ್ಮ ವೀಸಾವನ್ನು ನವೀಕರಿಸಬೇಕು ಅಥವಾ ಇನ್ನುಳಿದಿರುವ ನಾಲ್ಕು ದಿನಗಳ ಅವಧಿಯೊಳಗಡೆ ದುಬೈಯನ್ನು ತೊರೆಯಬೇಕು ಇಲ್ಲವೇ ದಂಡ ಪಾವತಿಸಲು ತಯಾರಿರಬೇಕಾಗುತ್ತದೆ.

ಕೊರೋನಾ ಸಾಂಕ್ರಾಮಿಕ ಜಗತ್ತಿನಾದ್ಯಂತ ವ್ಯಾಪಕವಾಗಿದ್ದ ಸಂದರ್ಭದಲ್ಲಿ ಯುಎಇ ಆಡಳಿತ, ಅವಧಿ ಮೀರಿದ ವಿಸಿಟ್ ವೀಸಾದವರ ದುಬೈಯಲ್ಲಿರುವ ಕಾಲಾವಧಿಯನ್ನು 2020ರ ಡಿಸಂಬರ್ ವರೆಗೆ ವಿಸ್ತರಿಸಿತ್ತು. ಆದರೆ ಕಳೆದ ಜುಲೈಯಲ್ಲಿ ಆ ತೀರ್ಮಾವನ್ನು ರದ್ದುಪಡಿಸಿತ್ತು. ಆಗಸ್ಟ್ ನಲ್ಲಿ ಈ ಕುರಿತು ಮತ್ತೊಂದು ಆದೇಶ ಬಿಡುಗಡೆಗೊಳಿಸಿದ್ದ ಆಡಳಿತ, ಆಗಸ್ಟ್ 11ರಿಂದ  ವೀಸಾ ಮುಗಿದವರಿಗಾಗಿ ಒಂದು ತಿಂಗಳ ಕಾಲಾವಕಾಶ ನೀಡಲು ತೀರ್ಮಾನಿಸಿಸಲಾಗಿತ್ತು

ಶೋಷಿತ, ದಮನಿತ ಸಮುದಾಯಗಳ ಧ್ವನಿಯಾಗಿರುವ ಮತ್ತು ಜನಸಾಮಾನ್ಯರ ಸಮಸ್ಯೆಗಳಿಗೆ ಸದಾ ಮಿಡಿಯುವ ಪ್ರಸ್ತುತ ಪಾಕ್ಷಿಕಕ್ಕೆ ಚಂದಾದಾರಾಗಿರಿ. ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ