ಕೊಚ್ಚಿ: ಲಕ್ಷದ್ವೀಪದ ಆಡಳಿತಾಧಿಕಾರಿ ಜಾರಿಗೆ ತಂದಿರುವ ಸುಧಾರಣೆಗಳ ವಿರುದ್ಧ ಲಕ್ಷದ್ವೀಪದಲ್ಲಿ ವ್ಯಾಪಕ ಪ್ರತಿಭಟನೆಗಳ ಮಧ್ಯೆ, ಲಕ್ಷದ್ವೀಪ ಆಡಳಿತದ ನೇತೃತ್ವದ ಕೇರಳದ ಕೊಚ್ಚಿಯಲ್ಲಿರುವ ಶಿಕ್ಷಣ ಇಲಾಖೆಯ ಕಛೇರಿಯನ್ನು ಮುಚ್ಚಲು ಲಕ್ಷದ್ವೀಪ ಆಡಳಿತ ನಿರ್ಧರಿಸಿದೆ.
ಕೊಚ್ಚಿಯಲ್ಲಿರುವ ಕಚೇರಿಯ ನೌಕರರಿಗೆ ಲಕ್ಷದ್ವೀಪದ ಕವರತ್ತಿಯಲ್ಲಿರುವ ಕಚೇರಿಗೆ ಒಂದು ವಾರದೊಳಗೆ ಬರುವಂತೆ ನಿರ್ದೇಶಿಸಲಾಗಿದೆ ಎಂದು ತಿಳಿದುಬಂದಿದೆ. ಕೊಚ್ಚಿಯ ವಿಲ್ಲಿಂಗ್ಡನ್ ದ್ವೀಪದಲ್ಲಿರುವ ಶಿಕ್ಷಣ ಇಲಾಖೆಯ ಕಚೇರಿ ಶೈಕ್ಷಣಿಕ ಉದ್ದೇಶಗಳಿಗಾಗಿ ಲಕ್ಷದ್ವೀಪದಿಂದ ಕೇರಳಕ್ಕೆ ಬರುವ ವಿದ್ಯಾರ್ಥಿಗಳಿಗೆ ಸಹಾಯಕವಾಗಿತ್ತು. ಕೊಚ್ಚಿಯ ಕಚೇರಿಯಲ್ಲಿರುವ ನೌಕರರ ಸಂಖ್ಯೆಯನ್ನು ಕಡಿಮೆ ಮಾಡುವಂತೆ ಲಕ್ಷದ್ವೀಪ ಸರ್ಕಾರ ಈ ಹಿಂದೆ ನಿರ್ದೇಶನ ನೀಡಿತ್ತು. ಹೊಸ ಪ್ರಸ್ತಾಪವು ಇದರ ಮುಂದುವರಿದ ಭಾಗವಾಗಿದೆ ಎಂದು ತಿಳಿದುಬಂದಿದೆ.
