ಚಂಡೀಗಡ ಪಾಲಿಕೆ ಚುನಾವಣೆ: ಎಎಪಿ 14 ಕಡೆ ಗೆಲುವು, ಬಿಜೆಪಿಗೆ ಭಾರೀ ಹಿನ್ನಡೆ

Prasthutha: December 27, 2021

ಚಂಡೀಗಡ ಮಹಾನಗರ ಪಾಲಿಕೆಯ 35 ವಾರ್ಡ್ ಗಳಿಗೆ ನಡೆದ ಚುನಾವಣೆಯಲ್ಲಿ ಮೊದಲ ಬಾರಿಗೆ ಸ್ಪರ್ಧಿಸಿರುವ ಎಎಪಿ- ಆಮ್ ಆದ್ಮಿ ಪಕ್ಷವು ಈಗಾಗಲೇ 14 ವಾರ್ಡ್ ಗಳಲ್ಲಿ ಜಯ ಗಳಿಸಿದ್ದರೆ ಕೆಲ ಕಡೆ ಮುನ್ನಡೆ ಗಳಿಸಿರುವುದಾಗಿ ರಾಜ್ಯ ಚುನಾವಣಾ ಆಯೋಗವು ತಿಳಿಸಿದೆ. ಎಣಿಕೆ ಕಾರ್ಯ ಮುಂದುವರಿದಿದೆ.

ಭಾರತೀಯ ಜನತಾ ಪಕ್ಷವು 10 ಕಡೆ ಗೆದ್ದಿದೆ ಎಂದೂ ಚುನಾವಣಾ ಆಯೋಗದ ದತ್ತಾಂಶ ಮಾಹಿತಿ ಲಭಿಸಿದೆ.

ಕಾಂಗ್ರೆಸ್ ಪಕ್ಷವು 5 ಕಡೆ ಗೆಲುವು ಸಾಧಿಸಿದೆ; ಶಿರೋಮಣಿ ಅಕಾಲಿ ದಳವು ಒಂದು ಕಡೆ ಗೆದ್ದಿದೆ.  

ಬಿಜೆಪಿಯ ಮೇಯರ್ ರವಿಕಾಂತ್ ಶರ್ಮಾ ಅವರು ಎಎಪಿಯ ದಮನ್ ಪ್ರೀತ್ ಕೈಯಲ್ಲಿ 17ನೇ ವಾರ್ಡ್ ನಲ್ಲಿ 889 ಮತಗಳಿಂದ ಸೋಲುಂಡಿದ್ದಾರೆ.  ವಾರ್ಡ್ ನಂಬರ್ 21ರಲ್ಲಿ ಮಾಜಿ ಮೇಯರ್ ಬಿಜೆಪಿಯ ದೇವೆಸ್ಗ್ ಮುದ್ಗಿಲ್ ರನ್ನು ಎಎಪಿಯ ಜಸ್ಬೀರ್ ಅವರು 939 ಮತಗಳಿಂದ ಸೋಲಿಸಿದರು.

ಐದು ವರುಷಕ್ಕೊಮ್ಮೆ ನಡೆಯುವ ಚಂಡೀಗಢ ಮಹಾನಗರ ಪಾಲಿಕೆಯ ಚುನಾವಣೆಯಲ್ಲಿ ಕಾಂಗ್ರೆಸ್ ಮತ್ತು ಬಿಜೆಪಿ ನಡುವೆ ಪೈಪೋಟಿ ಇತ್ತು. ಈ ಬಾರಿ ಆಮ್ ಆದ್ಮಿ ಪಕ್ಷ ಪ್ರವೇಶಿಸಿರುವುದರಿಂದ ತ್ರಿಕೋನ ಪೈಪೋಟಿ ಕಂಡುಬಂದಿದೆ. ಪಂಜಾಬ್ ವಿಧಾನ ಸಭೆ ಲೋಕ ಸಭೆ ಚುನಾವಣೆಗಳಲ್ಲಿ ಎಎಪಿ ಈಗಾಗಲೇ ತನ್ನ ಇರುವಿಕೆ ತೋರಿಸಿದೆ.

ಕಳೆದ ಬಾರಿಯ ಚುನಾವಣೆಯಲ್ಲಿ ಬಿಜೆಪಿ 20 ಕ್ಷೇತ್ರಗಳಲ್ಲಿ ಗೆದ್ದು ಅಧಿಕಾರ ಹಿಡಿದಿತ್ತು. ಅದರ ಜೊತೆಗಿದ್ದ ಶಿರೋಮಣಿ ಅಕಾಲಿ ದಳ ಒಂದು ಕಡೆ ಜಯಿಸಿತ್ತು. ಕಾಂಗ್ರೆಸ್ 4 ಕಡೆ ಗೆದ್ದಿತ್ತು.

ಶುಕ್ರವಾರ ಚಂಡೀಗಡ ಮನಪಾಕ್ಕೆ ಚುನಾವಣೆ ನಡೆದಿದ್ದು, 3 ಲಕ್ಷದಷ್ಟು ಮಹಿಳೆಯರ ಸಹಿತ 6.3 ಲಕ್ಷ ಮತದಾರರಿರುವ ಇಲ್ಲಿ 60% ಮತದಾನ ಆಗಿತ್ತು.

16ನೇ ವಾರ್ಡ್ ನಲ್ಲಿ ಅತಿ ಹೆಚ್ಚು 72.81% ಹಾಗೂ 23ನೇ ವಾರ್ಡ್ ನಲ್ಲಿ ಅತಿ ಕಡಿಮೆ 42.66% ಮತದಾನ ಆಗಿತ್ತು.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!