ಗುಜರಾತ್’ನಲ್ಲಿ ಕೋವಿಡ್ ಲಸಿಕೆ ನೀಡದೆಯೇ ಪ್ರಮಾಣಪತ್ರ । ಮೋದಿ ತವರು ರಾಜ್ಯದಲ್ಲಿ ಹೀಗೊಂದು ಗೊಂದಲ !

Prasthutha: March 16, 2021

ಗುಜರಾತ್ʼನ ಸೂರತ್ ನಗರದಲ್ಲಿ ಮೂವರು ವ್ಯಕ್ತಿಗಳು ಲಸಿಕೆಯ ಡೋಸ್ ಪಡೆಯದೆ, ಕೋವಿಡ್-19 ಇನಾಕ್ಯುಲೇಷನ್ ಪ್ರಮಾಣ ಪತ್ರಗಳನ್ನ ಪಡೆದಿರುವ ಪ್ರಕರಣ ಬಯಲಿಗೆ ಬಂದಿದೆ. ಪಾಂಡೇಸಾರ ಪ್ರದೇಶದ ನಿವಾಸಿ ಅನೂಪ್ ಸಿಂಗ್ ಮತ್ತು ಅವರ ತಂದೆ ಹರ್ಭನ್ ಸಿಂಗ್ (62) ಅವರಿಗೆ ಲಸಿಕೆಯ ಮೊದಲ ಡೋಸ್ ನೀಡಿಸುವುದಕ್ಕೆ ಬರ್ಮೋಲಿ ನಗರದ ಆರೋಗ್ಯ ಕೇಂದ್ರದಲ್ಲಿ ಮಾರ್ಚ್ 13ರಂದು ನೋಂದಣಿ ಮಾಡಿಸಿದ್ದರು. ಆದರೆ ಅವರು ಪಟ್ಟಣದಿಂದ ಲಸಿಕೆ ಹಾಕಿಸಿಕೊಳ್ಳುದ ದಿನಾಂಕದಂದು ಆರೋಗ್ಯ ಕೇಂದ್ರಕ್ಕೆ ತೆರಳಿರಲಿಲ್ಲ. ಆದರೂ ಅವರಿಗೆ ಕೋವಿಡ್ ಲಸಿಕೆಯ ಪ್ರಮಾಣ ಪತ್ರ ಬಂದಿದೆ ಎಂದು ಅನೂಪ್ ಸಿಂಗ್ ತಿಳಿಸಿದ್ದಾರೆ.

ಇನ್ನೊಂದು ಕಡೆ ಮಾರ್ಚ್ 13ರಂದು ಲಸಿಕೆ ಪಡೆಯುವ ಮುನ್ನವೇ ಮತ್ತೊಂದು ಕುಟುಂಬದ ಇಬ್ಬರು ಪ್ರಮಾಣ ಪತ್ರ ಪಡೆದಿದ್ದಾರೆ ಎಂದು ಸಿಐಡಿ ಮೂಲಗಳು ತಿಳಿಸಿವೆ. ‘ನಮ್ಮ ಅಧಿಕೃತ ದಾಖಲೆ ಪ್ರಕಾರ ಈ ಫಲಾನುಭವಿಗಳಿಗೆ ಲಸಿಕೆ ಹಾಕಿಸಿಲ್ಲ. ಆದರೆ ಪ್ರಮಾಣ ಪತ್ರಗಳು ಬಂದಿವೆ. ನಾವು ಕೆಲವು ತಾಂತ್ರಿಕ ದೋಷಗಳನ್ನ ಸರಿಪಡಿಸಲು ಪ್ರಯತ್ನಿಸುತ್ತಿದ್ದೇವೆ. ಇನ್ನು ಈ ಬಗ್ಗೆ ಐಟಿ ಇಲಾಖೆಯೊಂದಿಗೆ ಚರ್ಚಿಸಿ, ಬಗೆಹರಿಸಲು ಪ್ರಯತ್ನಿಸುತ್ತೇವೆ ಎಂದು ಉಪ ನಗರಪಾಲಿಕೆ ಆಯುಕ್ತ (ಆರೋಗ್ಯ) ಡಾ.ಆಶೀಶ್ ನಾಯಕ್ ಹೇಳಿದ್ದಾರೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!