ಗಾಝಾದ ಮೇಲೆ ಇಸ್ರೇಲ್ ಕ್ಷಿಪಣಿ ದಾಳಿ: ಕನಿಷ್ಠ 40 ಮಂದಿ ಮೃತ್ಯು

ಗಾಝಾ: ಇಲ್ಲಿನ ಅಲ್‌-ಮಾವಾಸಿ ಮೇಲೆ ಇಸ್ರೇಲ್ ಕ್ಷಿಪಣಿ ದಾಳಿ ನಡೆಸಿದ್ದು, ಕನಿಷ್ಠ 40 ಜನರು ಮೃತಪಟ್ಟು, 60 ಮಂದಿ ಗಾಯಗೊಂಡಿದ್ದಾರೆ ಎಂದು ಪ್ಯಾಲೆಸ್ತೀನ್ ಡಬ್ಲ್ಯೂಎಎಫ್‌ಎ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ಇಸ್ರೇಲ್ ಮಿಲಿಟರಿಯು ಜನನಿಬಿಡ ಪ್ರದೇಶವೆಂದು ಗೊತ್ತುಪಡಿಸಿದ ಖಾನ್ ಯೂನಿಸ್‌ನ ಪಶ್ಚಿಮಕ್ಕೆ ಇರುವ ಮಾವಾಸಿ ಮೇಲೆ ದಾಳಿ ಮಾಡಲಾಗಿದೆ.

ಈ ಪ್ರದೇಶವು ಇಸ್ರೇಲ್-ಹಮಾಸ್ ಯುದ್ಧದಿಂದ ಸ್ಥಳಾಂತರಗೊಂಡ ಅನೇಕ ಪ್ಯಾಲೆಸ್ತೇನಿಯರಿಗೆ ನೆಲೆಯಾಗಿದೆ.

ಯುದ್ಧ ಪ್ರಾರಂಭವಾದಾಗಿನಿಂದ ಗಾಝಾದಲ್ಲಿ 40,000 ಪ್ಯಾಲೇಸ್ತೆನಿಯರು ಹತರಾಗಿದ್ದಾರೆ ಎಂದು ಗಾಝಾದ ಆರೋಗ್ಯ ಸಚಿವಾಲಯ ಹೇಳಿದೆ.

ಗಾಝಾದ 2.3 ಮಿಲಿಯನ್ ಜನಸಂಖ್ಯೆಯ ಸುಮಾರು ಶೇಕಡ 90ರಷ್ಟು ಜನರನ್ನು ಆಗಾಗೆ ಸ್ಥಳಾಂತರ ಮಾಡಲಾಗಿದೆ.