ಮುಂಬೈ: ಅಮಿತಾಭ್ ಬಚ್ಚನ್ ಅವರ ಪೊಲೀಸ್ ಬಾಡಿಗಾರ್ಡ್ ಜಿತೇಂದ್ರ ಶಿಂಧೆ ಅವರು ವರ್ಷಕ್ಕೆ 1.5 ಕೋಟಿ ರೂ.ಗಳನ್ನು ಗಳಿಸುತ್ತಿದ್ದಾರೆ ಎನ್ನುವ ವರದಿ ಹೊರ ಬೀಳುತ್ತಿದ್ದಂತೆ ಅವರನ್ನು ಬೇರೆ ಸ್ಥಳಕ್ಕೆ ವರ್ಗಾವಣೆ ಮಾಡಲಾಗಿದೆ.
2015ರಿಂದಲೂ ಅಮಿತಾಬ್ ಬಚ್ಚನ್ ಅವರಿಗೆ ಬಾಡಿಗಾರ್ಡ್ ಆಗಿ ಶಿಂಧೆ ಕಾರ್ಯನಿರ್ವಹಿಸುತ್ತಿದ್ದರು. ಅವರ ದುಬಾರಿ ಗಳಿಕೆಯ ವರದಿ ಹೊರಹೊಮ್ಮಿದ ಕೂಡಲೇ ಮುಂಬೈ ಪೊಲೀಸರು ಇಷ್ಟು ಹಣವನ್ನು ಶಿಂಧೆ ಅವರು ಅಮಿತಾಭ್ ರಿಂದ ಗಳಿಸಿದ್ದಾರೆಯ ಅಥವಾ ಬೇರೆ ಮೂಲಗಳಿಂದ ಗಳಿಸಿದ್ದಾರೆಯೇ ಎಂದು ತನಿಖೆ ನಡೆಸಲು ಆದೇಶಿಸಿದ್ದಾರೆ.
