ಬಳ್ಳಾರಿಯ ಬಿಟಿಪಿಎಸ್ ಘಟಕದಲ್ಲಿ ಸ್ಫೋಟ: ಮೂವರು ಗಂಭೀರ

ಬಳ್ಳಾರಿ:  ಇಲ್ಲಿನ ಬಿಟಿಪಿಎಸ್ ಆಕ್ಸಿಜನ್ ಘಟಕದಲ್ಲಿ ಸ್ಫೋಟ ಸಂಭವಿಸಿದ್ದು, ಮೂವರು ಕಾರ್ಮಿಕರಿಗೆ ಗಂಭೀರ ಗಾಯವಾಗಿದೆ. 

ಬಳ್ಳಾರಿಯ ಕುಡತಿನಿ ಬಳಿಯ ಬಿಟಿಪಿಎಸ್​ ಆಕ್ಸಿಜನ್ ಪ್ಲ್ಯಾಂಟ್​ ನಲ್ಲಿ ಈ ದುರ್ಘಟನೆ ಸಂಭವಿಸಿದೆ. ಆಕ್ಸಿಜನ್ ಫಿಲ್ ಮಾಡುವ ವೇಳೆ ದುರ್ಘಟನೆ ಸಂಭವಿಸಿದೆ. ಏಕಾಏಕಿ ಬೆಂಕಿ ಹೊತ್ತಿಕೊಂಡು ಕಾರ್ಮಿಕರ‌ ಮೈಗೆಲ್ಲ ಹತ್ತಿಕೊಂಡಿದೆ. 

ನಾಗಪುರದ ಓಜನ್ ಕಂಪನಿಯ  ಇಂಜಿನಿಯರುಗಳಾದ ಪ್ರಶಾಂತ್, ಅಂಕುಶ್ , ಚಂದ್ರು ಗಾಯಗೊಂಡವರಾಗಿದ್ದು, ಇವರನ್ನು ಹೆಚ್ಚಿನ ಚಿಕಿತ್ಸೆಗೆಂದು ಬೆಂಗಳೂರಿಗೆ ಕಳುಹಿಸಿದೆ.