ಮೋದಿಯಿಂದ ಭಾರತೀಯರು ಮಾಸ್ಕ್ ಇಲ್ಲದೆ ತಿರುಗಾಡುವಂತಾಯಿತು: ಜೆಪಿ ನಡ್ಡಾ

ಗುಜರಾತ್‌ : ಅಮೆರಿಕಾ ಅಧ್ಯಕ್ಷ ಬಿಡೆನ್ ಜೋ ಬಿಡೆನ್ ಕೂಡ ಇನ್ನೂ ಮಾಸ್ಕ್ ಧರಿಸಿ ತಿರುಗಾಡುತ್ತಾರೆ. ಆದರೆ ಪ್ರಧಾನಿ ನರೇಂದ್ರ ಮೋದಿಯವರ ಪ್ರಯತ್ನದಿಂದ ಮಾತ್ರ ಭಾರತೀಯರು ಮಾಸ್ಕ್ ಇಲ್ಲದೆ ತಿರುಗಾಡಲು ಸಾಧ್ಯವಾಯಿತು ಎಂದು ಬಿಜೆಪಿ ರಾಷ್ಟ್ರಾಧ್ಯಕ್ಷ ಜೆ.ಪಿ.ನಡ್ಡಾ ಹೇಳಿದ್ದಾರೆ

ಗುಜರಾತಿನ ಭರೂಚ್‌ನಲ್ಲಿ ರ್ಯಾಲಿಯನ್ನುದ್ದೇಶಿಸಿ ಮಾತನಾಡಿದ ಅವರು, ಇದೆಲ್ಲವೂ ಪ್ರಧಾನಿ ಮೋದಿಯವರಿಂದ ಸಾಧ್ಯವಾಗಿದೆ. ಯುಎಸ್ ಮತ್ತು ಯುರೋಪ್ ನಲ್ಲಿ ಅನೇಕರು ಇನ್ನೂ ಎರಡು ಡೋಸ್ ಕೋವಿಡ್ ಲಸಿಕೆಗಳನ್ನು ಪಡೆದಿಲ್ಲ. ಆದರೆ ಭಾರತದಲ್ಲಿ ಪ್ರತಿಯೊಬ್ಬರೂ ಬೂಸ್ಟರ್ ಡೋಸ್ ಗಳನ್ನು ಪಡೆಯುತ್ತಿದ್ದಾರೆ ಎಂದರು.

ಕೋವಿಡ್‌ನಿಂದಾಗಿ ವಿಶ್ವದ ಆರ್ಥಿಕತೆಯು ನಿಧಾನವಾಯಿತು. ಆದರೆ ಭಾರತವು ಬ್ರಿಟನ್‌ನನ್ನು ಹಿಂದಿಕ್ಕಿ ಐದನೇ ಅತಿದೊಡ್ಡ ಆರ್ಥಿಕತೆಯಾಗಿ ಹೊರಹೊಮ್ಮಿದೆ. ಭಾರತ ಎಂದಾದರೂ ವಿಮಾನವನ್ನು ತಯಾರಿಸುತ್ತದೆ ಎಂದು ನಾವು ಊಹಿಸಿರಲಿಲ್ಲ. ಈಗ ವಡೋದರಾದಲ್ಲಿ ಸಿ-295 ವಿಮಾನಗಳನ್ನು ತಯಾರಿಸಿಲಾಗುತ್ತಿದೆ ಎಂದು ಹೇಳಿದ್ದಾರೆ.