ಫರಂಗಿಪೇಟೆ: ಫೆ.25 ರಂದು ನಡೆಯುವ ಪುದು ಗ್ರಾಮ ಪಂಚಾಯತ್ ಚುನಾವಣೆಗೆ ಒಟ್ಟು 102 ಅಭ್ಯರ್ಥಿಗಳು ನಾಮಪತ್ರ ಸಲ್ಲಿಸಿದ್ದಾರೆ. ಎಲ್ಲಾ ನಾಮಪತ್ರ ಕ್ರಮಬದ್ಧವಾಗಿದ್ದು ಶುಕ್ರವಾರ ಮೂವರು ತಮ್ಮ ನಾಮಪತ್ರ ಹಿಂಪಡೆದಿದ್ದಾರೆ.
ಅಂತಿಮವಾಗಿ 10 ವಾರ್ಡ್ ಗಳ 34 ಸದಸ್ಯ ಸ್ಥಾನಕ್ಕೆ ಕಾಂಗ್ರೆಸ್, ಬಿಜೆಪಿ, ಎಸ್’ಡಿಪಿಐ ಹಾಗೂ ಪಕ್ಷೇತರ 99 ಅಭ್ಯರ್ಥಿಗಳು ಸ್ಪರ್ಧಾಕಣದಲ್ಲಿದ್ದಾರೆ
ವಾರ್ಡ್ ನಂ 1 ಕುಂಪನಮಜಲ್’ನಲ್ಲಿ 4 ಸದಸ್ಯ ಸ್ಥಾನಕ್ಕೆ 13 ಅಭ್ಯರ್ಥಿಗಳು, ವಾರ್ಡ್ ನಂ 2 ಅಮೆಮ್ಮಾರ್ ನಲ್ಲಿ 3 ಸದಸ್ಯ ಸ್ಥಾನಕ್ಕೆ 10 ಅಭ್ಯರ್ಥಿಗಳು, ವಾರ್ಡ್ ನಂ 3 ಅಮೆಮ್ಮಾರ್ ಪುಂಚಮೆಯಲ್ಲಿ 4 ಸದಸ್ಯ ಸ್ಥಾನಕ್ಕೆ 15 ಅಭ್ಯರ್ಥಿಗಳು, ವಾರ್ಡ್ ನಂ 4 ಫರಂಗಿಪೇಟೆ 3 ಸದಸ್ಯ ಸ್ಥಾನಕ್ಕೆ 9 ಅಭ್ಯರ್ಥಿಗಳು, ವಾರ್ಡ್ ನಂ 5 ಸುಜೀರ್ ನಲ್ಲಿ 4 ಸದಸ್ಯ ಸ್ಥಾನಕ್ಕೆ 11ಅಭ್ಯರ್ಥಿಗಳು, ವಾರ್ಡ್ ನಂ 6 ಪೇರಿಮಾರ್ ನಲ್ಲಿ 4 ಸದಸ್ಯ ಸ್ಥಾನಕ್ಕೆ 13 ಅಭ್ಯರ್ಥಿಗಳು, ವಾರ್ಡ್ ನಂ 7 ಕುಂಜತ್ಕಳದಲ್ಲಿ 3 ಸದಸ್ಯ ಸ್ಥಾನಕ್ಕೆ 8 ಅಭ್ಯರ್ಥಿಗಳು, ವಾರ್ಡ್ ನಂ 8 ಕುಮ್ದೇಲ್ 3 ಸದಸ್ಯ ಸ್ಥಾನಕ್ಕೆ 6 ಅಭ್ಯರ್ಥಿಗಳು, ವಾರ್ಡ್ ನಂ 9 ನೆತ್ತರಕೆರೆಯಲ್ಲಿ 3 ಸದಸ್ಯ ಸ್ಥಾನಕ್ಕೆ 6 ಅಭ್ಯರ್ಥಿಗಳು, ವಾರ್ಡ್ ನಂ 10 ಮಾರಿಪಳ್ಳದಲ್ಲಿ 3 ಸದಸ್ಯ ಸ್ಥಾನಕ್ಕೆ 9 ಅಭ್ಯರ್ಥಿಗಳು ಸ್ಪರ್ಧಿಸುತ್ತಿದ್ದಾರೆ.
