ಬೆಂಗಳೂರು; ಅಲ್ಪ ಸಂಖ್ಯಾತರ ಅಭಿವೃದ್ಧಿಗೆ ಅನುದಾನ ನೀಡುವಲ್ಲಿ ಯಾವುದೇ ತಾರತಮ್ಯ ಮಾಡಿಲ್ಲ ಎಂದು ಕಾನೂನು ಮತ್ತು ಸಂಸದೀಯ ವ್ಯವಹಾರಗಳ ಸಚಿವ ಜೆ.ಸಿ.ಮಾಧುಸ್ವಾಮಿ ಹೇಳಿದ್ದಾರೆ
ವಿಧಾನಪರಿಷತ್ನಲ್ಲಿ ಸದಸ್ಯರಾದ ಬಿ.ಎಂ. ಫಾರೂಕ್ ಮತ್ತು ನಸೀರ್ ಅಹಮ್ಮದ್ ಅವರು ಕೇಳಿದ ಪ್ರಶ್ನೆಗೆ ಉತ್ತರ ನೀಡಿದ ಸಚಿವರು, 2016-17ರಲ್ಲಿ 141 13 ಕೋಟಿ ರೂ. ಅನುದಾನ ಬಿಡುಗಡೆ ಮಾಡಿದ್ದು, 112.20 ಕೋಟಿ ಖರ್ಚಾಗಿದೆ. 2017-18ರಲ್ಲಿ 174.27 ಕೋಟಿ ಬಿಡುಗಡೆಯಾಗಿದ್ದು” 172.82 ಕೋಟಿ ಖರ್ಚಾಗಿದೆ. 2018-19ರಲ್ಲಿ 174.86 ಕೋಟಿ ಅನುದಾನ ನೀಡಿದ್ದು, 168.94 ಕೋಟಿ ಖರ್ಚಾಗಿದೆ. 2019-20ರಲ್ಲಿ 142.39 ಕೋಟಿ ಬಿಡುಗಡೆಯಾಗಿದ್ದು, 138.82 ಕೋಟಿ ಖರ್ಚಾಗಿದೆ. 2020-21 ರಲ್ಲಿ 75.18 ಕೋಟಿ ಬಿಡುಗಡೆಯಾಗಿದ್ದು, 73.49 ಕೋಟಿ ಖಾರ್ಚಾಗಿದೆ ಎಂದು ವಿವರ ನೀಡಿದರು.
ನಿಗಮದಲ್ಲಿ ಖಾಲಿ ಇರುವ ಹುದ್ದೆಗಳನ್ನು ಆದ್ಯತೆ ಮೇರೆಗೆ ಭರ್ತಿ ಮಾಡಲಾಗುವುದು. ಕೋವಿಡ್ ನಂತರ ಆರ್ಥಿಕ ಪರಿಸ್ಥಿತಿ ಆಧರಿಸಿ ಹೆಚ್ಚಿನ ಅನುದಾನ ನೀಡುವುದಾಗಿ ಭರವಸೆ ನೀಡಿದರು. ಆದರೆ, ಸದಸ್ಯರು ಇದನ್ನು ಒಪ್ಪದೆ ಈ ಮೊದಲು ಇಲಾಖೆಗೆ 3500 ಕೋಟಿ ರೂ. ಅನುದಾನ ನೀಡಲಾಗುತ್ತಿತ್ತು. ಈಗ 900 ಕೋಟಿಗೆ ಇಳಿಸಲಾಗಿದೆ. ನಿಗಮಕ್ಕೆ ಅನುದಾನದಲ್ಲೂ ಕಡಿತ ಮಾಡಲಾಗಿದೆ. ಶೇ.14ರಷ್ಟು ಜನಸಂಖ್ಯೆ ಹೊಂದಿರುವ ಸಮುದಾಯಕ್ಕೆ ಅನ್ಯಾಯವಾಗುತ್ತಿದೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.
