ಅಬುಜ : ನೈಜೀರಿಯಾದ ಝಂಫಾರಾ ರಾಜ್ಯದಲ್ಲಿ ಮಸೀದಿಯೊಂದರ ಮೇಲೆ ಬಂದೂಕುಧಾರಿ ವ್ಯಕ್ತಿಯೊಬ್ಬ ದಾಳಿ ನಡೆಸಿದ್ದು, ಘಟನೆಯಲ್ಲಿ ಐವರು ಮೃತಪಟ್ಟಿದ್ದಾರೆ. ಅಲ್ಲದೆ, 18 ಮಂದಿಯನ್ನು ಅಪಹರಿಸಲಾಗಿದೆ ಎಂದು ಅಲ್ಲಿನ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.

ಅಪಹೃತರಲ್ಲಿ ಮಸೀದಿಯ ಓರ್ವ ಇಮಾಮ್ ಕೂಡ ಸೇರಿದ್ದಾರೆ. ಪ್ರಾರ್ಥನೆಗೆ ಬರುವವರ ರೀತಿಯಲ್ಲೇ ವೇಷ ಮರೆಸಿ ಬಂದಿದ್ದ ಬಂದೂಕುಧಾರಿ, ಪ್ರಾರ್ಥನೆಯಲ್ಲಿ ನಿರತರಾದವರ ಮೇಲೆ ಗುಂಡಿನ ದಾಳಿ ಆರಂಭಿಸಿದನು ಎಂದು ವರದಿಗಳು ತಿಳಿಸಿವೆ.

ದರೋಡೆ, ಅಪಹರಣ ಸೇರಿದಂತೆ ಮತ್ತಿತರ ಅಪರಾಧ ಚಟುವಟಿಕೆಗಳು ಇತ್ತೀಚಿನ ದಿನಗಳಲ್ಲಿ ನೈಜೀರಿಯಾದಲ್ಲಿ ವ್ಯಾಪಕವಾಗಿದೆ ಎನ್ನಲಾಗಿದೆ.