ಹಜ್: ಅರ್ಜಿಗಳನ್ನು ಸಲ್ಲಿಸಲು ನಾಳೆ ಕೊನೆಯ ದಿನಾಂಕ

Prasthutha|

- Advertisement -

ಹೊಸದಿಲ್ಲಿ:  2021ರ ಹಜ್ ಗೆ ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ನಾಳೆ ಕೊನೆಗೊಳ್ಳಲಿದೆ. ಅರ್ಜಿಗಳನ್ನು ಡಿಸೆಂಬರ್ 10 ರ ಮೊದಲು ಸಲ್ಲಿಸುವಂತೆ ತಿಳಿಸಲಾಗಿತ್ತಾದರೂ ನಂತರ ಅದನ್ನು ಮುಂದೂಡಲಾಗಿತ್ತು. ಯಾತ್ರಾರ್ಥಿಗಳು ಜನವರಿ 10 ರವರೆಗೆ ಅರ್ಜಿ ಸಲ್ಲಿಸಬಹುದು ಎಂದು ಕೇಂದ್ರ ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವ ಮುಖ್ತಾರ್ ಅಬ್ಬಾಸ್ ನಖ್ವಿ ಈ ಹಿಂದೆ ಹೇಳಿದ್ದರು.

ಕರೋನಾ ವೈರಸ್ ಹರಡಿದ ಹಿನ್ನೆಲೆಯಲ್ಲಿ ಹಜ್ ಯಾತ್ರೆಗೆ ಎಂಬಾರ್ಕೇಶನ್ ಪಾಯಿಂಟ್ 10 ಕ್ಕೆ ಇಳಿಸಲಾಗಿದೆ. ಅಹಮದಾಬಾದ್, ಬೆಂಗಳೂರು, ಕೊಚ್ಚಿ, ದೆಹಲಿ, ಗುವಾಹಟಿ, ಹೈದರಾಬಾದ್, ಕೋಲ್ಕತಾ, ಲಕ್ನೋ, ಮುಂಬೈ ಮತ್ತು ಶ್ರೀನಗರ ದೇಶದ ಎಂಬಾರ್ಕೇಶನ್ ಪಾಯಿಂಟ್ ಗಳು. ಈ ಹಿಂದೆ ದೇಶಾದ್ಯಂತ 21 ಎಂಬಾರ್ಕೇಶನ್ ಪಾಯಿಂಟ್‌ಗಳು (ಹೊರಡುವ ಸ್ಥಳ) ಇದ್ದವು. ಸೌದಿ ಸರಕಾರದ ಪ್ರತಿಕ್ರಿಯೆಯ ಬಳಿಕ ವಿವರವಾದ ಚರ್ಚೆಯ ನಂತರ ಎಂಬಾರ್ಕೇಶನ್ ಪಾಯಿಂಟ್ ಆಧಾರದ ಮೇಲೆ  ಹಜ್ ತೀರ್ಥಯಾತ್ರೆಯ ವೆಚ್ಚವನ್ನು ಸಹ ಕಡಿಮೆ ಮಾಡಲಾಗಿದೆ.

- Advertisement -

ಅದರಂತೆ ಅಹಮದಾಬಾದ್ ಮತ್ತು ಮುಂಬೈನ ಎಂಬಾರ್ಕೇಶನ್ ಪಾಯಿಂಟ್‌ಗಳಿಂದ 3,30,000 ರೂ, ಬೆಂಗಳೂರು, ಲಕ್ನೋ, ದೆಹಲಿ ಮತ್ತು ಹೈದರಾಬಾದ್‌ನಿಂದ 3,50,000 ರೂ, ಕೊಚ್ಚಿ ಮತ್ತು ಶ್ರೀನಗರದಿಂದ 3,60,000 ರೂ, ಕೋಲ್ಕತ್ತಾದಿಂದ 3,70,000 ರೂ. ಮತ್ತು ಗುವಾಹಟಿಯಿಂದ 4 ಲಕ್ಷ ರೂ. ವೆಚ್ಚ ಅಂದಾಜಿಸಲಾಗಿದೆ.

ಕೋವಿಡ್ ಸನ್ನಿವೇಶದಿಂದಾಗಿ ಸೌದಿ ಅರೇಬಿಯಾ ಸರಕಾರ ಮತ್ತು ಭಾರತ ಸರಕಾರದ ಮಾರ್ಗಸೂಚಿಗಳನ್ನು ಸಂಪೂರ್ಣವಾಗಿ ಅನುಸರಿಸಿ ಜೂನ್ ಮತ್ತು ಜುಲೈ 2021 ರ ಯಾತ್ರಾ ವ್ಯವಸ್ಥೆಗಳನ್ನು ಏರ್ಪಡಿಸಲಾಗಿದೆ.

Join Whatsapp