ಕೇಂದ್ರ ಸಚಿವ ರಾಮದಾಸ್ ಅಠಾವಳೆಗೆ ಕೊರೋನಾ ಧೃಢಪಟ್ಟಿದೆ. ಆರಂಭದಲ್ಲಿ ಕೊರೋನಾ ವ್ಯಾಪಿಸುತ್ತಿರುವಾಗ ‘ಗೋ ಕೊರೋನಾ, ಕೊರೋನಾ ಗೋ’ ಎಂಬ ಘೋಷಣೆಯನ್ನು ಜಪಿಸುವ ಮೂಲಕ ಅಠಾವಳೆ ವಿಶ್ವದ ಗಮನ ಸೆಳೆದಿದ್ದರು.ಕೋವಿಡ್ ಧೃಢವಾಗುವ ಮೊದಲು ಅಠಾವಳೆ ಮುಂಬೈಯಲ್ಲಿ ನಡೆದ ಪಕ್ಷದ ಸಮಾರಂಭದಲ್ಲಿ ಬಾಗವಹಿಸಿದ್ದರು.
ಕಳೆದ ಫೆಬ್ರವರಿಯಲ್ಲಿ ಕೋವಿಡ್ ಹರಡುವುದರ ವಿರುದ್ಧ ಇಂಡಿಯಾ ಗೇಟ್ ಬಳಿ ಕೆಲವು ಸನ್ಯಾಸಿಗಳು ಮತ್ತು ರಾಜತಾಂತ್ರಿಕರೊಂದಿಗೆ ರಾಮಾದಾಸ್ ಅಠಾವಳೆಯವರು ಕೂಗಿದ ಘೋಷಣೆ ‘ಗೋ ಕೊರೋನಾ’ ಸಾಮಾಜಿಕ ಜಾಲತಾಣದಲ್ಲಿ ವೈರಲಾಗಿತ್ತು. ರಾಜ್ಯಸಭಾ ಸಂಸದ ಅಠಾವಳೆ, ಸಾಮಾಜಿಕ ನ್ಯಾಯ ಸಚಿವರಾಗಿದ್ದಾರೆ.
