September 1, 2020

ಹೈದರಾಬಾದ್ |ಖುತುಬ್ ಶಾಹಿ ಕಾಲದ 400 ವರ್ಷ ಹಳೆಯ ಮಸೀದಿಯಲ್ಲಿ ಪ್ರಾರ್ಥನೆ ಮರು ಆರಂಭ

ಹೈದರಾಬಾದ್ : ಖುತುಬ್ ಶಾಹಿ ಕಾಲದಲ್ಲಿ, ಸುಮಾರು 400 ವರ್ಷಗಳ ಹಿಂದೆ ನಿರ್ಮಿಸಲಾದ ಮಸೀದಿ ಹಲವು ವರ್ಷಗಳ ಬಳಿಕ ಸೋಮವಾರ ಮರು ಆರಂಭಗೊಂಡಿದೆ. ಇಲ್ಲಿನ ಗಾಚಿಬೌವ್ಲಿಯ ಸನ್ ಶೈನ್ ಆಸ್ಪತ್ರೆ ಬಳಿಯ ಮಲ್ಕಮ್ಚೆರು ಪ್ರದೇಶದಲ್ಲಿರುವ ಈ ಮಸೀದಿಯನ್ನು ತೆಲಂಗಾಣ ರಾಜ್ಯ ವಕ್ಫ್ ಮಂಡಳಿ ಅಧ್ಯಕ್ಷ ಮುಹಮ್ಮದ್ ಸಲೀಂ ಮತ್ತು ಸಿಇಒ ಮುಹಮ್ಮದ್ ಖಾಸಿಂ ಮತ್ತಿತರ ಅಧಿಕಾರಿಗಳ ಸಮ್ಮುಖದಲ್ಲಿ ಮರು ತೆರೆಯಲಾಗಿದೆ. 400 ವರ್ಷಗಳ ಹಳೆಯ ಈ ಮಸೀದಿಯನ್ನು ಖುತುಬ್ ಶಾಹಿ ಮಸೀದಿ ಎಂದೇ ಕರೆಯಲಾಗುತ್ತದೆ.

ಹಲವಾರು ವರ್ಷಗಳಿಂದ ಈ ಮಸೀದಿಯಲ್ಲಿ ಪ್ರಾರ್ಥನೆಗಳು ನಡೆಯುತ್ತಿರಲಿಲ್ಲ. ಮಸೀದಿಯ ಸುತ್ತ ಮರಗಳು ಆವರಿಸಿದ್ದವು. ವನ್ಯ ಪ್ರಾಣಿಗಳೂ ಇದರೊಳಗೆ ಆಶ್ರಯ ಪಡೆದಿದ್ದವು. ಹೀಗಾಗಿ ಇಲ್ಲಿ ಪ್ರಾರ್ಥನೆ ನಡೆಯುತ್ತಿರಲಿಲ್ಲ ಎಂದು ವಕ್ಫ್ ಅಧ್ಯಕ್ಷ ಮುಹಮ್ಮದ್ ಸಲೀಂ ಈ ವೇಳೆ ಮಾತನಾಡುತ್ತಾ ತಿಳಿಸಿದರು.

ವಿಷಯ ವಕ್ಫ್ ಮಂಡಳಿ ಗಮನಕ್ಕೆ ಬಂದ ಬಳಿಕ, ಈ ಬಗ್ಗೆ ಕಂದಾಯ ಅಧಿಕಾರಿಗಳು, ಪೊಲೀಸ್ ಇಲಾಖೆಯೊಂದಿಗೆ ಚರ್ಚಿಸಿ ಮಸೀದಿ ಮರು ತೆರೆಯಲು ನಿರ್ಧಾರ ಕೈಗೊಳ್ಳಲಾಯಿತು ಎಂದು ಅವರು ಹೇಳಿದ್ದಾರೆ. ಒಎಸ್ ಡಿ ಅಧಿಕಾರಿಗಳಾದ ಮುಹಮ್ಮದ್ ಇಲ್ಯಾಸ್, ಮುಹಮ್ಮದ್ ಅಸಾದುಲ್ಲಾ, ಸ್ಥಳೀಯ ಕಂದಾಯ ಮತ್ತು ಪೊಲೀಸ್ ಇಲಾಖೆಯ ಅಧಿಕಾರಿಗಳು, ಸ್ಥಳೀಯರು ಉಪಸ್ಥಿತರಿದ್ದರು. ಈ ವೇಳೆ ಪ್ರಾರ್ಥನೆ ಸಲ್ಲಿಸಲಾಯಿತು.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!