October 3, 2020

ಹಥ್ರಾಸ್ ಪ್ರಕರಣ: ಇಂಡಿಯಾ ಟುಡೆ ವರದಿಗಾರ್ತಿಯ ದೂರವಾಣಿ ಕದ್ದಾಲಿಕೆ

ಹೊಸದಿಲ್ಲಿ: ಹಥ್ರಾಸ್ ಸಾಮೂಹಿಕ ಅತ್ಯಾಚಾರ ಪ್ರಕರಣದ ವರದಿ ಮಾಡುತ್ತಿರುವ ತನ್ನ ವರದಿಗಾರ್ತಿಯ ಸಂಭಾಷಣೆಯೊಂದು ಹೇಗೆ ಆನ್ ಲೈನ್ ನಲ್ಲಿ ಸೋರಿಕೆಯಾಯಿತು ಎಂದು ಸರಕಾರವನ್ನು ಪ್ರಶ್ನಿಸಿ ಇಂಡಿಯಾ ಟುಡೆ ಚಾನೆಲ್ ಹೇಳಿಕಯನ್ನು ಬಿಡುಗಡೆಗೊಳಿಸಿದೆ.

ಯಾಕಾಗಿ ಯುವತಿಯ ಕುಟುಂಬವನ್ನು ಕಣ್ಗಾವಲಿನಡಿ ಇಡಲಾಗಿದೆ, ಯಾವ ಕಾನೂನಿನ ಆಧಾರದ ಮೇಲೆ ದೂರವಾಣಿ ಕರೆಯನ್ನು ರೆಕಾರ್ಡ್ ಮಾಡಿ ಸೋರಿಕೆ ಮಾಡಲಾಗಿದೆ ಎಂದು ಮಾಧ್ಯಮ ಸಂಸ್ಥೆ ಪ್ರಶ್ನಿಸಿದೆ.

ಇಂಡಿಯಾ ಟಿವಿ ವರದಿಗಾರ್ತಿ ತನುಶ್ರೀ ಪಾಂಡೆ ಮತ್ತು ಸಂತ್ರಸ್ತೆಯ ಸಹೋದರ ಸಂದೀಪ್ ಮಧ್ಯೆ ಏರ್ಪಟ್ಟಿದೆಯೆನ್ನಲಾದ ಆಡಿಯೊ ಸಂಭಾಷಣೆಯ ಕ್ಲಿಪ್ ಸರಕಾರಿ ಪರ ವೆಬ್ ಸೈಟ್ ನಲ್ಲಿ ಮತ್ತು ಸಾಮಾಜಿಕ ಮಾಧ್ಯಮದಲ್ಲಿ ಕಂಡುಬಂದಿರುವುದು ರಾಜಕೀಯ ವಿವಾದದ ಕಿಡಿಯನ್ನು ಹಚ್ಚಿದೆ.

ಸ್ಥಳೀಯ ಪೊಲೀಸ್ ಠಾಣೆಗೆ ಹೋಗಿ  “ಪೊಲೀಸ್ ತನಿಖೆಯಿಂದ ತೃಪ್ತಿಯಾಗಿದೆ” ಎಂದು ಬರೆಯಲಾದ ದಾಖಲೆಯ ಮೇಲೆ ಸಹಿ ಹಾಕುವಂತೆ ತನ್ನ ಮೇಲೆ ಒತ್ತಡ ಹೇರಲಾಗಿತ್ತು ಎಂದು ಸಂತ್ರಸ್ತೆಯ ತಂದೆ ಹೇಳುವ ವೀಡಿಯೊವನ್ನು ಚಿತ್ರಿಸಿ ಕಳುಹಿಸುವಂತೆ ತನುಶ್ರೀ ಪಾಂಡೆ ಸಂದೀಪ್ ಗೆ ಹೇಳುವುದು ಕ್ಲಿಪ್ ನಲ್ಲಿ ಕೇಳಿಸುತ್ತದೆ.

ಮಾಧ್ಯಮಗಳು ಹೇಗೆ ವಾಸ್ತವಗಳನ್ನು ತಿರುಚುತ್ತಿದೆ ಮತ್ತು ಮಹಿಳೆಯ ಕುಟುಂಬದೊಂದಿಗೆ ಸುಳ್ಳು ಹೇಳಿಕೆ ನೀಡುವಂತೆ ಬಲವಂತಪಡಿಸುತ್ತಿದೆ ಎಂದು ಆಡಿಯೊದಿಂದ ತಿಳಿಯುತ್ತದೆ ಎಂಬುದಾಗಿ ಬಿಜೆಪಿ ಹೇಳಿದೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!