October 2, 2020

ಸಂಸದರನ್ನು ನೆಲಕ್ಕೆ ತಳ್ಳಿದ ಪೊಲೀಸರು

ಹಥ್ರಾಸ್: ಸಾಮೂಹಿಕ ಅತ್ಯಾಚಾರ ಮತ್ತು ಹತ್ಯೆಗೊಳಗಾದ ಹಥ್ರಾಸ್ ನ ಯುವತಿಯ ಗ್ರಾಮವನ್ನು ಪ್ರವೇಶಿಸಲು ಯತ್ನಿಸಿದ ತೃಣಮೂಲ ಕಾಂಗ್ರೆಸ್ ಸಂಸದ ಡೆರೇಕ್ ಒಬ್ರಿಯಾನ್ ರನ್ನು ಪೊಲೀಸರು ನೆಲಕ್ಕೆ ತಳ್ಳಿಹಾಕಿದ ಘಟನೆ ನಡೆದಿದೆ.  ಪಕ್ಷದ ಇತರ ಮೂವರು ನಾಯಕರೊಂದಿಗೆ ಗ್ರಾಮವನ್ನು ಪ್ರವೇಶಿಸಲು ಪ್ರಯತ್ನಿಸಿದಾಗ ಪೊಲೀಸರು ತಡೆದಾಗ ತಳ್ಳಾಟ ನಡೆದಿದ್ದು, ಸಂಸದರನ್ನು ನೆಲಕ್ಕೆ ಉರುಳಿಸಲಾಗಿದೆ.

32 ನಿಮಿಷಗಳ ವೀಡಿಯೊದಲ್ಲಿ ಬಿಳಿ ಅಂಗಿ ಮತ್ತು ಹೆಲ್ಮೆಟ್ ಧರಿಸಿದ್ದ ವ್ಯಕ್ತಿಯೋರ್ವ ಟಿ.ಎಂ.ಸಿ ಮಹಿಳಾ ಸಂಸದೆ ಪ್ರತಿಮಾ ಮಂಡಲ್  ಗ್ರಾಮದತ್ತ ತೆರಳುತ್ತಿರುವಾಗ ಅವರ ಭುಜವನ್ನು ಹಿಡಿದು ತಡೆಯುತ್ತಿರುವುದು ಕಾಣುತ್ತದೆ. ಆ ವೇಳೆ ಡೆರೇಕ್ ಒಬ್ರಿಯಾನ್ ಆಕೆಯನ್ನು ರಕ್ಷಿಸುವುದಕ್ಕೆ ಮುಂದಾಗಿದ್ದು, ವ್ಯಕ್ಲಿ ಅವರನ್ನು ನೆಲಕ್ಕೆ ತಳ್ಳಿಹಾಕುತ್ತಾರೆ.

ಈ ಮೊದಲು ಸಂಸದರಾದ ಪ್ರತಿಮಾ ಮಂಡಲ ಮತ್ತು ಕಕೊಲಿ ಘೋಷ್ ದಸ್ತಿದಾರ್ ಮತ್ತು ಮಾಜಿ ಸಂಸದ ಮಮತಾ ಠಾಕೂರು ಎರಡೂ ಕೈಗಳನ್ನು ಜೋಡಿಸಿ ಹಥ್ರಾದ ಒಳಪ್ರವೇಶಿಸಲು ಅನುಮತಿಸುವಂತೆ ಪೊಲೀಸರನ್ನು ಬೇಡುತ್ತಿರುವುದು ಕಾಣುತ್ತದೆ.

ಕನಿಷ್ಠ ಪಕ್ಷ ಮಹಿಳೆಯರನ್ನು ಒಳಹೋಗಲು ಅನುಮತಿಸುವಂತೆ ಒಬ್ರಿಯಾನ್ ಪೊಲೀಸರನ್ನು ಕೋರುತ್ತಾರೆ. ಆದರೆ ಪೊಲೀಸರು ಅವರ ದಾರಿಯನ್ನು ತಡೆದಿದ್ದರು.ಅಲ್ಲದೆ ಪೊಲೀಸರು ಮಹಿಳಾ ನಾಯಕಿಯರನ್ನು ಹಿಡಿದು ಜಗ್ಗಾಡುವುದು ಕೂಡ ವೀಡಿಯೊದಲ್ಲಿ ಕಾಣುತ್ತದೆ.

“ತೃಣಮೂಲ ಕಾಂಗ್ರೆಸ್ ನ ಸಂಸದರ ನಿಯೋಗವೊಂದು ದಿಲ್ಲಿಯಿಂದ 200 ಕಿ.ಮೀ ದೂರ ಪ್ರಯಾಣಿಸಿದ್ದು ಯುಪಿ ಪೊಲೀಸರು ಅವರನ್ನು ತಡೆದಿದ್ದಾರೆ ಎಂದು ಪಕ್ಷದ ಹೇಳಿಕೆ ತಿಳಿಸಿದೆ. ಸಂಕಟದಲ್ಲಿರುವ ಕುಟುಂಬದ ಜೊತೆ ಐಕಮತ್ಯ ತೋರಿಸುವುದಕ್ಕಾಗಿ ಅವರು ಅಲ್ಲಿಗೆ ಹೋಗಿದ್ದರು”  ಎಂದು ಪಕ್ಷದ ಹೇಳಿಕೆ ತಿಳಿಸಿದೆ.

ಶೋಷಿತ, ದಮನಿತ ಸಮುದಾಯಗಳ ಧ್ವನಿಯಾಗಿರುವ ಮತ್ತು ಜನಸಾಮಾನ್ಯರ ಸಮಸ್ಯೆಗಳಿಗೆ ಸದಾ ಮಿಡಿಯುವ ಪ್ರಸ್ತುತ ಪಾಕ್ಷಿಕಕ್ಕೆ ಚಂದಾದಾರಾಗಿರಿ. ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!