August 22, 2020

ಮಾಸ್ಕ್ ಧರಿಸುವವರನ್ನು ಕಪಿಗಳಿಗೆ ಹೋಲಿಸಿದ ಅನಂತ ಕುಮಾರ್ ಹೆಗಡೆ | ಸುರಕ್ಷತೆ ಬಗ್ಗೆ ಲೇವಡಿ ಮಾಡಿದ ಸಂಸದನ ವಿರುದ್ಧ ಜನಾಕ್ರೋಶ

ಮಾಸ್ಕ್ ಹಾಕಿದವರನ್ನು ನೋಡುವಾಗ ರಾಮಾಯಣ ನೆನಪಾಗುತ್ತದೆ ಎಂದ ಸಂಸದ!!

ಬೆಂಗಳೂರು : ಕೊರೋನ ಸಂಕಷ್ಟದ ಸಂದರ್ಭ ಸೋಂಕು ತಡೆಗೆ ಮಾಸ್ಕ್ ಹಾಕುವುದು ಕಡ್ಡಾಯ ಎಂದು ಸರ್ಕಾರ ಹೇಳುತ್ತಿದೆ. ಮಾಸ್ಕ್ ಹಾಕದ ಜನ ಸಾಮಾನ್ಯರಿಗೆ ಅಧಿಕಾರಿಗಳು ದಂಡವನ್ನೂ ಹಾಕುತ್ತಿದ್ದಾರೆ. ಇಂತಹ ಸನ್ನಿವೇಶದಲ್ಲಿ ಕಾರವಾರ ಬಿಜೆಪಿ ಸಂಸದ ಅನಂತ ಕುಮಾರ್ ಹೆಗಡೆ ಮಾಸ್ಕ್ ಹಾಕುವವರನ್ನು ಕಪಿಗಳಿಗೆ ಹೋಲಿಸಿ ವ್ಯಂಗ್ಯವಾಡಿದ ಘಟನೆ ನಡೆದಿದೆ. ಆ ಮೂಲಕ ವಿವಾದಾತ್ಮಕ ಹೇಳಿಕೆಗಳಿಗೇ ಕುಖ್ಯಾತಿ ಪಡೆದಿರುವ ಅನಂತ ಹೆಗಡೆ ಅವರು ಮತ್ತೊಮ್ಮೆ ತಮ್ಮ ಉದ್ದಟತನ ಪ್ರದರ್ಶಿಸಿದ್ದಾರೆ.

ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಹೆಗಡೆ, “ಎಲ್ಲರನ್ನೂ ನೋಡಿದಾಗ ನನಗೆ ರಾಮಾಯಣ ನೆನಪಾಗುತ್ತಿದೆ’’ ಎಂದು ಹೇಳಿದ್ದಾರೆ. ತಪ್ಪು ತಿಳ್ಕೋಬೇಡಿ, ತಮಾಶೆಗೆ ಹೇಳುತ್ತಿದ್ದೇನೆ ಎಂದು ಹೇಳುತ್ತಾ ಈ ವಿಚಾರ ಹೆಗಡೆ ಪ್ರಸ್ತಾಪಿಸಿದ್ದಾರೆ. ನಮಗೆ ಹೆದರಿಸಿದ್ದಾರೆ ಅಷ್ಟೇ, ಕೊರೋನಾ, ಗಿರೋನ ಏನಿಲ್ಲ ಎಂದು ಅವರು ತಿಳಿಸಿದ್ದಾರೆ. ಇರಲಿ, ಈ ಭ್ರಮೆಯಿಂದ ಬೇಗ ನಾವು ಹೊರಬರಬೇಕಿದೆ ಎಂದೂ ಅವರು ಹೇಳಿದ್ದಾರೆ.

ಸಂಸದರೇ ಈ ರೀತಿ ಹೇಳುತ್ತಿರುವುದಾದರೆ, ಸರಕಾರಗಳು ಕೊರೋನ ನಿವಾರಣೆಗೆ ಇಷ್ಟೊಂದು ಖರ್ಚು ಮಾಡುತ್ತಿರುವುದು ಸುಳ್ಳೇ ಎಂಬ ಪ್ರಶ್ನೆಗಳು ಹುಟ್ಟುತ್ತವೆ. ಜನಸಾಮಾನ್ಯರ ಮೇಲೆ ಒತ್ತಡ ಹೇರಿ ಸಂಸದರೊಬ್ಬರು ಸರಕಾರದ ನಿಯಮಗಳನ್ನು ಈ ರೀತಿ ಲೇವಡಿ ಮಾಡುವುದರಿಂದ ಸಾರ್ವಜನಿಕ ವಲಯದಲ್ಲಿ ಯಾವ ರೀತಿಯ ಸಂದೇಶ ರವಾನೆಯಾಗುತ್ತದೆ ಎಂಬುದನ್ನು ಅರ್ಥ ಮಾಡಿಕೊಳ್ಳಬೇಕು. ಈಗಾಗಲೇ ಹಲವಾರು ಬಾರಿ ವಿವಾದಗಳನ್ನು ಮೈಗೆಳೆದುಕೊಂಡಿರುವ ಅನಂತ ಕುಮಾರ್ ಹೆಗಡೆ, ಎಂದಿನಂತೆ ಉದ್ದಟತನದ ಮಾತುಗಳನ್ನಾಡುತ್ತಿರುವುದು ಅವರ ಪಕ್ಷದ ಗಮನಕ್ಕೆ ಬರುತ್ತಿಲ್ಲವೇ? ಅವರನ್ನು ನಿಯಂತ್ರಿಸಲು ಅವರ ಪಕ್ಷದ ನಾಯಕತ್ವದಿಂದ ಸಾಧ್ಯವಿಲ್ಲವೇ? ಎಂಬ ಮಾತುಗಳು ಸಾರ್ವಜನಿಕ ವಲಯದಲ್ಲಿ ಚರ್ಚೆಯಾಗುತ್ತಿವೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!