October 27, 2020

ಭಾರತದ ಪ್ರಜಾಪ್ರಭುತ್ವ ಪತನದತ್ತ ಸಾಗುತ್ತಿದೆ : ‘ವಿ-ಡೆಮ್’ ವರದಿ

ನವದೆಹಲಿ : ಪ್ರಧಾನಿ ನರೇಂದ್ರ ಮೋದಿ ಅಧಿಕಾರಕ್ಕೇರಿದ ಬಳಿಕ ದೇಶದಲ್ಲಿ ಅಭಿವ್ಯಕ್ತಿ ಸ್ವಾತಂತ್ರ್ಯದ ಮೇಲೆ ದೇಶದ್ರೋಹ, ಭಯೋತ್ಪಾದನೆ ಹೆಸರಲ್ಲಿ ದಾಳಿಗಳಾಗುತ್ತಿರುವುದು ಸಹಜ ಎಂಬಂತಾಗಿ ಬಿಟ್ಟಿದೆ. ಇದೀಗ, ‘ವಿ-ಡೆಮ್’ ಎಂಬ ಸಂಸ್ಥೆಯು ಬಿಡುಗಡೆಗೊಳಿಸಿರುವ ವರದಿಯ ಪ್ರಕಾರ ಇನ್ನೂ ಆತಂಕಕಾರಿಯೊಂದು ಅಂಶವೊಂದು ಬೆಳಕಿಗೆ ಬಂದಿದೆ. ಭಾರತ ಶೀಘ್ರದಲ್ಲೇ ತನ್ನ ಪ್ರಜಾಪ್ರಭುತ್ವ ಸ್ಥಾನಮಾನ ಕಳೆದುಕೊಳ್ಳಲಿದೆ ಎಂದು ಸ್ವೀಡನ್ ಮೂಲದ ‘ವಿ-ಡೆಮ್’ ಸಂಸ್ಥೆ ವರದಿ ಮಾಡಿದೆ.

ಗೊಟೆನ್ ಬರ್ಗ್ ವಿಶ್ವವಿದ್ಯಾಲಯದಲ್ಲಿ ಕಾರ್ಯ ನಿರ್ವಹಿಸುವ ‘ವಿ ಡೆಮ್’ ಸಂಸ್ಥೆ 2017ರಿಂದ ಪ್ರಜಾಪ್ರಭುತ್ವ ಕುರಿತ ಅಂಕಿ ಅಂಶಗಳನ್ನು ಹೊರತರುತ್ತಿದೆ.

“ಅಟೊಕ್ರಾಟೈಸೇಶನ್ ಸರ್ಜಸ್ – ರೆಸಿಸ್ಟೆನ್ಸ್ ಗ್ರೋಸ್’’ ಎಂಬ ತಲೆಬರಹದಡಿ ಬಿಡುಗಡೆಯಾದ ಮಾಹಿತಿ ಪುಸ್ತಕದಲ್ಲಿ 2020ರ ವರದಿ ಪ್ರಕಟಿಸಲಾಗಿದೆ. ಈ ವರದಿಯಲ್ಲಿ ಭಾರತದ ಕುರಿತು ಪ್ರಸ್ತಾಪಿಸುತ್ತಾ, ಭಾರತವು ಪ್ರಜಾಪ್ರಭುತ್ವ ದಿಕ್ಕಿನಲ್ಲಿ ತೀವ್ರ ಕುಸಿತ ಕಾಣುತ್ತಿದೆ, ಪ್ರಜಾಪ್ರಭುತ್ವ ಪತನದತ್ತ ಸಾಗುತ್ತಿದೆ ಎಂದಿದೆ.

2019ರಲ್ಲಿ ಎಕಾನಮಿಸ್ಟ್ ಗ್ರೂಪ್ ಹೊರತಂದ ‘ಪ್ರಜಾಪ್ರಭುತ್ವ ಸೂಚ್ಯಂಕ’ದಲ್ಲೂ ಭಾರತ 10 ಸ್ಥಾನಗಳನ್ನು ಕುಸಿದು 51ನೇ ಸ್ಥಾನಕ್ಕೆ ತಳ್ಳಲ್ಪಟ್ಟಿತ್ತು.

ಶೋಷಿತ, ದಮನಿತ ಸಮುದಾಯಗಳ ಧ್ವನಿಯಾಗಿರುವ ಮತ್ತು ಜನಸಾಮಾನ್ಯರ ಸಮಸ್ಯೆಗಳಿಗೆ ಸದಾ ಮಿಡಿಯುವ ಪ್ರಸ್ತುತ ಪಾಕ್ಷಿಕಕ್ಕೆ ಚಂದಾದಾರಾಗಿರಿ. ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ