October 28, 2020

ಫೇಸ್ಬುಕ್, ಟ್ವಿಟ್ಟರ್, ಗೂಗಲ್ ಸಿಇಒಗಳಿಗೆ ಅಮೆರಿಕಾದ ಸೆನೆಟ್ ಸಮಿತಿ ಸಮನ್ಸ್ ಕಳುಹಿಸಿರುವುದೇಕೆ?

This combination of 2018-2020 photos shows, from left, Twitter CEO Jack Dorsey, Google CEO Sundar Pichai, and Facebook CEO Mark Zuckerberg. Less than a week before Election Day, the CEOs of Twitter, Facebook and Google are set to face a grilling by Republican senators who accuse the tech giants of anti-conservative bias. Democrats are trying to expand the discussion to include other issues such as the companies' heavy impact on local news. The Senate Commerce Committee has summoned Twitter CEO Jack Dorsey, Facebook’s Mark Zuckerberg and Google’s Sundar Pichai to testify for a hearing Wednesday. The executives have agreed to appear remotely after being threatened with subpoenas. (AP Photo/Jose Luis Magana, LM Otero, Jens Meyer)

1996ರ ಸಂವಹನ ಸಭ್ಯತೆ ಕಾಯ್ದೆಯಿಂದ ವಿಧಿಯೊಂದನ್ನು ರದ್ದುಗೊಳಿಸಬೇಕೆ ಎಂಬ ಕುರಿತು ಉತ್ತರಿಸಲು ಟ್ವಿಟ್ಟರ್, ಫೇಸ್ಬುಕ್ ಮತ್ತು ಆಲ್ಫಾಬೆಟ್ ಇಂಕ್ ನ ಸಿಇಒ ಗಳು ಶುಕ್ರವಾರದಂದು ಅಮೆರಿಕಾದ ವಾಣಿಜ್ಯ, ವಿಜ್ನಾನ ಮತ್ತು ಸಾರಿಗೆಗೆ ಸಂಬಂಧಿಸಿದ  ಸೆನೆಟ್ ಸಮಿತಿಯ ಮುಂದೆ ಹಾಜರಾಗಲಿದ್ದಾರೆ. ತಮ್ಮ ಪ್ಲಾಟ್ ಫಾರ್ಮ್ ಮೇಲೆ ಬಳಕೆದಾರರು ಪೋಸ್ಟ್ ಮಾಡುವ ಬರಹಗಳಿಗೆ ಹೊಣೆಗಾರರಾಗುವುದರಿಂದ ಈ ಕಾನೂನು ಅವರನ್ನು ರಕ್ಷಿಸುತ್ತದೆ.

ಅಮೆರಿಕ ಅಧ್ಯಕ್ಷೀಯ ಚುನಾವಣೆಗೆ ಸಂಬಂಧಿಸಿದಂತೆ ಆನ್ ಲೈನ್ ಹಸ್ತಕ್ಷೇಪ ಮತ್ತು ತಪ್ಪುಮಾಹಿತಿಗಳ ವರದಿಗಳು ಬಂದಿರುವುದರಿಂದ ಫೇಸ್ಬುಕ್ ನ ಮಾರ್ಕ್ ಝಕರ್ಬರ್ಗ್, ಟ್ವಿಟ್ಟರ್ ನ ಜಾಕ್ ಡೋರ್ಸಿ ಮತ್ತು ಅಲ್ಫಾಬೆಟ್ ನ ಸುಂದರ್ ಪಿಚೈ ಉತ್ತರಿಸಬೇಕಾಗಿದೆ.




ಸಂವಹನ ಸಭ್ಯತೆ ಕಾಯ್ದೆ – 1996 ಕಾಯ್ದೆಯ 230ನೆ ವಿಧಿಯನ್ನು ಬದಲಾಯಿಸಲು ರಿಪಬ್ಲಿಕನ್ ಮತ್ತು ಡೆಮಾಕ್ರಟಿಕ್ ನ ಪ್ರತಿನಿಧಿಗಳು ಬಯಸುತ್ತಿದ್ದಾರೆ. ಈ ವಿಧಿಯ ಪ್ರಕಾರ ಸಂವಾದಾತ್ಮಕ ಕಂಪ್ಯೂಟರ್ ಸೇವೆಯ ಯಾವುದೇ ಪೂರೈಕೆದಾರ ಅಥವಾ ಬಳಕೆದಾರ ಇನ್ನೋರ್ವ ಮಾಹಿತಿ ಬರಹ ಪೂರೈಕೆದಾರನ ಯಾವುದೇ ಮಾಹಿತಿಯ ಪ್ರಸಾರಕ ಅಥವಾ ವಕ್ತಾರನಾಗಿ ಗಣನೆಗೆ ತೆಗೆದುಕೊಳ್ಳಲಾಗುವುದಿಲ್ಲ.

ಸರಳ ಅರ್ಥದಲ್ಲಿ ಹೇಳುವುದಾದರೆ ತಮ್ಮ ಪ್ಲಾಟ್ ಫಾರಂ ಮೇಲೆ ಪೋಸ್ಟ್ ಮಾಡುವ ಯಾವುದೇ ಬರಹ, ಫೋಟೊ ಅಥವಾ ವೀಡಿಯೊಗಳಿಗೆ ಅವರು ಕಾನೂನಾತ್ಮಕವಾಗಿ ಜವಾಬ್ದಾರರಲ್ಲ. 1996ರಲ್ಲಿ ಈ ಕಾನೂನು ಅಂಗೀಕಾರಗೊಳ್ಳುವಾಗ ಸೋಶಿಯಲ್ ಮೀಡಿಯಾ ಅಸ್ತಿತ್ವದಲ್ಲಿರಲಿಲ್ಲ. ಆದರೆ ಕಾನೂನು ಬ್ಲಾಗರ್ ಗಳಿಂದ ಇಂಟರ್ ನೆಟ್ ಪೂರೈಕೆದಾರರನ್ನು ರಕ್ಷಿಸುತ್ತಿತ್ತು ಮತ್ತು ಬ್ಲಾಗರ್ ಗಳಿಗೆ ಬರುವ ಕಮೆಂಟ್ ಗಳಿಗಾಗಿ ಬ್ಲಾಗರ್ ಗಳನ್ನು ಹೊಣೆಯಾಗಿಸುವುದರಿಂದಲೂ ಅದು ತಪ್ಪಿಸುತ್ತಿತ್ತು.

ಈ ವಿಧಿಯನ್ನು ರದ್ದುಗೊಳಿಸಲು ಬಯಸುವವರು ತಮ್ಮ ಸೈಟ್ ಗಳಲ್ಲಿ ಬಳಕೆದಾರರು ಪೋಸ್ಟ್ ಮಾಡುವ ಎಲ್ಲಾ ಟ್ವೀಟ್, ಪೋಸ್ಟ್ ಮತ್ತು ವಿಮರ್ಶೆ ಗಳಿಗೆ ಈ ಟೆಕ್ ಕಂಪೆನಿಗಳನ್ನು ಕಾನೂನಾತ್ಮಕವಾಗಿ ಹೊಣೆಗಾರರನಾಗಿ ಮಾಡಬೇಕೆಂದು ಆಗ್ರಹಿಸುತ್ತಿದ್ದಾರೆ. ಟ್ರಂಪ್ ಮತ್ತು ಬೈಡನ್ ಇಬ್ಬರೂ 204ನೆ ವಿಧಿಯನ್ನು ಹಿಂದೆಗೆಯಬೇಕೆಂದು ಬಯಸುತ್ತಾರೆ. ಇದನ್ನು ಪ್ರಜಾಪ್ರಭುತ್ವದ ಕೊಲೆ ಎಂಬುದಾಗಿಯೂ ಅಮೆರಿಕಾದಲ್ಲಿ ಹಲವರು ಟೀಕೆ ವ್ಯಕ್ತಪಡಿಸುತ್ತಿದ್ದಾರೆ.

ಟಾಪ್ ಸುದ್ದಿಗಳು