“ನೀವು ಟ್ರಂಪ್ ಗೆ ಮತ ಚಲಾಯಿಸದಿದ್ದರೆ ನಾವು ನಿಮ್ಮನ್ನು ಬಿಡಲಾರೆವು ” : ಮತದಾರರಿಗೆ ಇ-ಮೇಲ್ ಮೂಲಕ ಬೆದರಿಕೆ.

Prasthutha: October 22, 2020

ನೀವು ಡೊನಾಲ್ಡ್ ಟ್ರಂಪ್ ಗೆ ಮತ ಚಲಾಯಿಸದಿದ್ದರೆ ನಂತರ ನಡೆಯಲಿರುವ ಪರಿಣಾಮಗಳ ಬಗ್ಗೆ ಇ-ಮೇಲ್ ಬೆದರಿಕೆಯೊಂದು ಪ್ರಸಾರವಾಗುತ್ತಿದೆ. ಫ್ಲೋರಿಡಾ ಮತ್ತು ಪೆನ್ಸಿಲ್ವೇನಿಯಾ ಸೇರಿದಂತೆ ಸ್ಥಳಗಳಲ್ಲಿನ ಡೆಮಾಕ್ರಟಿಕ್ ಮತದಾರರಿಗೆ ಇಂತಹಾ ಬೆದರಿಕೆ ಇ-ಮೇಲ್ ಗಳು ಬಂದಿದೆ.

ಟ್ರಂಪ್ ಗೆ ಮತ ಚಲಾಯಿಸದಿದ್ದರೆ ಪರಿಣಾಮ ಏನಾಗಲಿದೆಯೆಂದು ತೋರಿಸಿಕೊಡಲಿದ್ದೇವೆ ಮತ್ತು ನಿಮ್ಮ ಬೆನ್ನ ಹಿಂದೆ ಬಂದು ಕಿರುಕುಳ ನೀಡಲಿದ್ದೇವೆ ಎಂದು ಮತದಾರರಿಗೆ ಬೆದರಿಕೆ ಹಾಕಲಾಗಿದೆ. ಪ್ರೌಡ್ ಬಾಯ್ಸ್ ಎಂಬ ಪ್ರಬಲ ಬಲಪಂಥೀಯ ಗುಂಪಿನವರು ಎಂದು ಹೇಳಿಕೊಂಡು ಇ-ಮೇಲ್ ಕಳುಹಿಸಲಾಗಿದೆ ಎಂದು ವರದಿಯಾಗಿದೆ. ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಗೆ ಮತ ಚಲಾಯಿಸದಿದ್ದರೆ “ನಾವು ನಿಮ್ಮನ್ನು ಬಿಡಲಾರೆವು” ಎಂದು ಎಚ್ಚರಿಸಲಾಗಿದೆ.

“ಇಂತಹಾ ಬೆದರಿಕೆಗಳು ಅಮೇರಿಕಾದ ಮತದಾರರ ವಿಶ್ವಾಸವನ್ನು ಬೆದರಿಸುವ ಮತ್ತು ದುರ್ಬಲಗೊಳಿಸುವ ಉದ್ದೇಶವನ್ನು ಹೊಂದಿದೆ” ಎಂದು ಗೃಹ ಭದ್ರತಾ ಇಲಾಖೆಯ ಉನ್ನತ ಚುನಾವಣಾ ಭದ್ರತಾ ಅಧಿಕಾರಿ ಕ್ರಿಸ್ಟೋಫರ್ ಕ್ರೆಬ್ಸ್ ಮಂಗಳವಾರ ರಾತ್ರಿ ಟ್ವೀಟ್ ಮಾಡಿದ್ದಾರೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!