ಜಮಾಲ್ ಖಶೋಗಿ ಹತ್ಯೆ ಆರೋಪದಲ್ಲಿ ಸೌದಿ ರಾಜಕುಮಾರ ಸಲ್ಮಾನ್ ವಿರುದ್ಧ ದಾವೆ

Prasthutha|

ವಾಶಿಂಗ್ಟನ್ : ಅರಬ್ ದೇಶಗಳಲ್ಲಿ ಸುಧಾರಣೆಗಳನ್ನು ತರಬೇಕೆಂದು ಒತ್ತಾಯಿಸುತ್ತಿದ್ದ ಮತ್ತು ಅಲ್ಲಿನ ಸರಕಾರಗಳನ್ನು ಟೀಕಿಸುತ್ತಿದ್ದ ಪತ್ರಕರ್ತ ಜಮಾಲ್ ಖಶೋಗಿ ಹತ್ಯೆಗೆ ಸಂಬಂಧಿಸಿ, ಅವರ ಸಂಬಂಧಿಕರು ಸೌದಿ ರಾಜಕುಮಾರ ಮುಹಮ್ಮದ್ ಬಿನ್ ಸಲ್ಮಾನ್ ವಿರುದ್ಧ ಕೊಲೆ ದೂರು ದಾಖಲಿಸಿದ್ದಾರೆ.

- Advertisement -

ಸರಕಾರದ ವಿರುದ್ಧ ಟೀಕಾಕಾರರನ್ನು ಮೌನ ವಹಿಸುವಂತೆ ಮಾಡಲು ರಾಜಕುಮಾರ ಸಲ್ಮಾನ್ ನಿರ್ದೇಶನದಲ್ಲಿ ಈ ಹತ್ಯೆ ನಡೆದಿದೆ ಆರೋಪಿಸಲಾಗಿದೆ. ಜಮಾಲ್ ರ ಪ್ರೇಯಸಿ ಹ್ಯಾಟಿಸ್ ಸೆಂಜಿಝ್ ಮತ್ತು ಮಾನವ ಹಕ್ಕುಗಳ ಸಂಘಟನೆ ಡೆಮಾಕ್ರಸಿ ಫಾರ್ ದ ಅರಬ್ ವರ್ಲ್ಡ್ ನೌ ವಿಷಯಕ್ಕೆ ಸಂಬಂಧಿಸಿ ವಾಶಿಂಗ್ಟನ್ ಡಿಸಿ ನ್ಯಾಯಾಲಯದಲ್ಲಿ ದಾವೆ ಹೂಡಿದ್ದಾರೆ.  

ಪ್ರಕರಣದಲ್ಲಿ ರಾಜಕುಮಾರ ಮುಹಮ್ಮದ್ ಮತ್ತು ಇತರ ಸೌದಿ ಗೃಹ ಸಚಿವಾಲಯದ ಅಧಿಕಾರಿಗಳನ್ನು ಆರೋಪಿಗಳಾಗಿ ಗುರುತಿಸಲಾಗಿದೆ.

- Advertisement -

ಜಮಾಲ್ ಅಮೆರಿಕದಲ್ಲಿದ್ದುಕೊಂಡು, ಅರಬ್ ರಾಷ್ಟ್ರಗಳಲ್ಲಿ ಪ್ರಜಾಸತ್ತಾತ್ಮಕ ಸುಧಾರಣೆಗಳಾಗಬೇಕೆಂದು ಪ್ರತಿಪಾದಿಸುತ್ತಿದ್ದರು. ‘ದ ವಾಶಿಂಗ್ಟನ್ ಪೋಸ್ಟ್’ ನಲ್ಲಿ ಅವರು ಈ ಕುರಿತು ಲೇಖನಗಳನ್ನು ಬರೆಯುತ್ತಿದ್ದರು. 2018, ಅಕ್ಟೋಬರ್ ನಲ್ಲಿ ಅವರ ಹತ್ಯೆ ನಡೆದಿತ್ತು. ಅವರ ಮೃತದೇಹ ಇಂದಿನ ವರೆಗೂ ಪತ್ತೆಯಾಗಿಲ್ಲ.