January 19, 2021

ಗೌಪ್ಯತೆ ನೀತಿ: ಬದಲಾವಣೆಯನ್ನು ಹಿಂಪಡೆಯಲು ವಾಟ್ಸಾಪ್ ಅನ್ನು ಒತ್ತಾಯಿಸಿದ ಕೇಂದ್ರ ಸರಕಾರ

ವಾಟ್ಸಾಪ್ ಗೌಪ್ಯತೆ ನೀತಿಯ ಬಗ್ಗೆ ಕೇಂದ್ರ ಸರಕಾರ ವಾಟ್ಸಾಪ್ ನಿಂದ ವಿವರಣೆಯನ್ನು ಕೋರಿದೆ. ಈ ಕುರಿತು ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯವು ವಾಟ್ಸಾಪ್ ಸಿಇಒಗೆ ಪತ್ರ ಕಳುಹಿಸಿದೆ. ಗೌಪ್ಯತೆ, ಡೇಟಾ ವರ್ಗಾವಣೆ ಮತ್ತು ಹಂಚಿಕೆ ನೀತಿಗಳ ಕುರಿತು ಸ್ಪಷ್ಟಪಡಿಸಬೇಕೆಂದು ಪತ್ರದಲ್ಲಿ ತಿಳಿಸಲಾಗಿದೆ. ಗೌಪ್ಯತೆ ನೀತಿಯಲ್ಲಿ ಇತ್ತೀಚಿನ ಬದಲಾವಣೆಯನ್ನು ಹಿಂಪಡೆಯಬೇಕೆಂದು ಭಾರತ ಬಯಸಿದೆ. ಇಂತಹ ಏಕಪಕ್ಷೀಯ ಬದಲಾವಣೆಗಳು ಸ್ವೀಕಾರಾರ್ಹವಲ್ಲ ಎಂದು ಕೇಂದ್ರೀಯ ವಿದ್ಯುನ್ಮಾನ ಸಚಿವಾಲಯ ವಾಟ್ಸಾಪ್ ಸಿಇಒ ವಿಲ್ ಕ್ಯಾತ್‌ಚಾರ್ಟ್‌ಗೆ ಬರೆದ ಪತ್ರದಲ್ಲಿ ತಿಳಿಸಿದೆ.

ಭಾರತವು ವಿಶ್ವದಲ್ಲೇ ಅತಿ ಹೆಚ್ಚು ವಾಟ್ಸಾಪ್ ಬಳಕೆದಾರರನ್ನು ಹೊಂದಿದೆ. ಗೌಪ್ಯತೆ ನೀತಿಯ ವಾಟ್ಸಾಪ್‌ನ ಇತ್ತೀಚಿನ ಬದಲಾವಣೆಯು ದೇಶಾದ್ಯಂತ ಜನರ ಗೌಪ್ಯತೆಯ ಬಗ್ಗೆ ಕಳವಳವನ್ನು ಉಂಟುಮಾಡಿದೆ. ಈ ಹಿನ್ನೆಲೆಯಲ್ಲಿ ಕೇಂದ್ರ ಸರಕಾರವು ವಾಟ್ಸಾಪ್ ಸಿಇಒಗೆ ಪತ್ರ ಕಳುಹಿಸಿದೆ. ಹೊಸ ನೀತಿಯನ್ನು ಅಂಗೀಕರಿಸದವರ ಸೇವೆ ಈ ತಿಂಗಳು ಕೊನೆಗೊಳ್ಳಲಿದೆ ಎಂದು ವಾಟ್ಸಾಪ್ ಈ ಹಿಂದೆ ಸೂಚಿಸಿತ್ತು. ವ್ಯಾಪಕ ಟೀಕೆಗಳು ಮತ್ತು ಬಳಕೆದಾರರಿಂದ ವಾಟ್ಸಾಪ್ ಬಳಕೆಯ ಹೆಚ್ಚಳದಿಂದಾಗಿ ಇದನ್ನು ಮೇ ವರೆಗೆ ವಿಸ್ತರಿಸಲಾಗಿದೆ.

ಶೋಷಿತ, ದಮನಿತ ಸಮುದಾಯಗಳ ಧ್ವನಿಯಾಗಿರುವ ಮತ್ತು ಜನಸಾಮಾನ್ಯರ ಸಮಸ್ಯೆಗಳಿಗೆ ಸದಾ ಮಿಡಿಯುವ ಪ್ರಸ್ತುತ ಪಾಕ್ಷಿಕಕ್ಕೆ ಚಂದಾದಾರಾಗಿರಿ. ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ