May 10, 2021

‘ಕೋವಿಡ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಪತ್ನಿಯ ಬಗ್ಗೆಯೇ ನನಗೆ ಮಾಹಿತಿ ಇಲ್ಲ’ | ಇದು ಉತ್ತರಪ್ರದೇಶ ಬಿಜೆಪಿ ಶಾಸಕನ ಪರಿಸ್ಥಿತಿ!

ಕೋವಿಡ್ ಸೋಂಕಿನಿಂದ ಚಿಕಿತ್ಸೆ ಪಡೆಯುತ್ತಿರುವ ಪತ್ನಿಯ ಆರೋಗ್ಯ ಸ್ಥಿತಿ ಬಗ್ಗೆ ತನಗೆ ಮಾಹಿತಿ ದೊರೆಯುತ್ತಿಲ್ಲ ಎಂದು ಉತ್ತರ ಪ್ರದೇಶದ ಜಸ್ರಾನಾದ ಬಿಜೆಪಿ ಶಾಸಕ ರಾಮ್‌ಗೋಪಾಲ್ ಪಪ್ಪು ಲೋಧಿ ಅಳಲು ತೋಡಿಕೊಂಡಿರುವ ಘಟನೆ ನಡೆದಿದೆ.

ಶಾಸಕ ಹೇಳಿಕೆ ನೀಡುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಶಾಸಕ ಮತ್ತು ಅವರ ಪತ್ನಿ ಸಂಧ್ಯಾ ಲೋಧಿ ಕೊರೊನಾ ಸೋಂಕು ದೃಢಪಟ್ಟಿದ್ದರಿಂದಾಗಿ ಚಿಕಿತ್ಸೆಗಾಗಿ ಫಿರೋಜಾಬಾದ್‌ನ ಓಂ ಆಸ್ಪತ್ರೆಗೆ ದಾಖಲಾಗಿದ್ದರು. ಆರೋಗ್ಯ ಸ್ಥಿತಿ ಸಂಪುರ್ಣ ಹದಗೆಟ್ಟಿರುವುದರಿಂದಾಗಿ ಸಂಧ್ಯಾ ಲೋಧಿಯವರನ್ನು ಆಗ್ರಾದ ಎಸ್‌ಎನ್ ವೈದ್ಯಕೀಯ ಕಾಲೇಜಿಗೆ ದಾಖಲಿಸಲಾಗಿತ್ತು.

ತನ್ನ ಪತ್ನಿಯನ್ನು ಎಸ್‌ಎನ್ ವೈದ್ಯಕೀಯ ಕಾಲೇಜಿನಲ್ಲಿ ದಾಖಲಿಸಿ ಮೂರು ದಿನಗಳಾಗಿವೆ. ಅವರ ಆರೋಗ್ಯ ಸ್ಥಿತಿಯ ಬಗ್ಗೆ ಮಾಹಿತಿ ಲಭ್ಯವಾಗುತ್ತಿಲ್ಲ. ಅಲ್ಲಿ ಆಕೆಗೆ ಸರಿಯಾಗಿ ಆಹಾರ ಕೂಡ ದೊರೆಯುತ್ತಿಲ್ಲ. ಇಂತಹ ಸ್ಥಿತಿ ಬಡವರಿಗೆ ಎಂದಿಗೂ ಬರದಿರಲಿ ಎಂದು ಅವರು ವೀಡಿಯೊದಲ್ಲಿ ಅವಲತ್ತುಕೊಂಡಿದ್ದಾರೆ.

ಶಾಸಕರಾಗಿಯೂ ಕೂಡ ಪತ್ನಿ ಸಂಧ್ಯಾ ಲೋಧಿ ಅವರಿಗೆ ಆಗ್ರಾದ ಆಸ್ಪತ್ರೆಯಲ್ಲಿ ಬೆಡ್ ದೊರಕಲು ಹರಸಾಹಸ ಪಡಬೇಕಾಯಿತು. ಆಗ್ರಾದ ಜಿಲ್ಲಾಧಿಕಾರಿ ಬೆಡ್ ಕೊಡಿಸುವ ಭರವಸೆ ನೀಡಿದ್ದರೂ ಸಂಧ್ಯಾ ಲೋಧಿಯವರನ್ನು ಬೆಡ್‌ ಲಭ್ಯವಿಲ್ಲ ಎಂದು ಹಿಂದಿರುಗುವಂತೆ ಹೇಳಲಾಗಿತ್ತು. ನಾನೇ ಈ ರೀತಿಯ ಪಾಡು ಪಡಬೇಕಾದರೆ ಬಡವರ ಗತಿ ಏನು, ಬಡವರಿಗೆ ಎಂದಿಗೂ ಈ ಸ್ಥಿತಿ ಬರಬಾರದು ಎಂದು ಶಾಸಕ ರಾಮ್‌ಗೋಪಾಲ್ ಪಪ್ಪು ಲೋಧಿ ವೀಡಿಯೋದಲ್ಲಿ ಹೆಳಿದ್ದಾರೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!