August 10, 2020

ಎಲ್ಗಾರ್ ಪರಿಷದ್ ಪ್ರಕರಣ | ಸಹಾಯಕ ಪ್ರೊಫೆಸರ್ ಡಾ. ಜೆನ್ನಿ ರೊವೆನಾ ನಿವಾಸಕ್ಕೆ ಎನ್ ಐಎ ದಾಳಿ

ಮುಂಬೈ : ಎಲ್ಗಾರ್ ಪರಿಷದ್ ಪ್ರಕರಣಕ್ಕೆ ಸಂಬಂಧಿಸಿ ಕಳೆದ ವಾರವಷ್ಟೇ ಬಂಧನವಾದ ದೆಹಲಿ ವಿವಿಯ ಸಹಾಯಕ ಪ್ರೊಫೆಸರ್ ಹನಿ ಬಾಬು ಅವರ ಸಂಗಾತಿ, ಸಹಾಯಕ ಪ್ರೊಫೆಸರ್ ಡಾ. ಜೆನ್ನಿ ರೊವೆನಾ ಅವರ ನಿವಾಸಕ್ಕೆ ಎನ್ ಐಎ ತಂಡ ದಾಳಿ ನಡೆಸಿದೆ. ಜೆನ್ನಿ ಅವರ ನೋಯ್ಡಾದ ಮಿರಾಂಡ ನಿವಾಸಕ್ಕೆ ತೆರಳಿದ ಹತ್ತು ಮಂದಿಯಿದ್ದ ರಾಷ್ಟ್ರೀಯ ತನಿಖಾ ಸಂಸ್ಥೆಯ ತಂಡವು, ಪ್ರಕರಣಕ್ಕೆ ಸಂಬಂಧಿಸಿದ ಸಾಕ್ಷಿಗಳ ಕುರಿತಂತೆ ತಪಾಸಣೆ ನಡೆಸಿತು.

ಭಾನುವಾರ ಬೆಳಗ್ಗೆ 7:30ಕ್ಕೆ ಅನಿರೀಕ್ಷಿತವಾಗಿ ತಂಡ ತಮ್ಮ ಮನೆಗೆ ಆಗಮಿಸಿತು. ತಾವು ಮತ್ತು ತಮ್ಮ ಮಗಳು ಇಬ್ಬರೇ ಮನೆಯಲ್ಲಿದ್ದೆವು. ಇದು ಸಾಕ್ಷಿ ಸಂಗ್ರಹಿಸುವ ಪ್ರಕ್ರಿಯೆಯ ಭಾಗ ಎಂದು ಅವರು ತಿಳಿಸಿದರು. ಜಿ.ಎನ್. ಸಾಯಿಬಾಬಾ ರಕ್ಷಣಾ ಸಮಿತಿಗೆ ಸೇರಿದ ಕೆಲವು ವಸ್ತುಗಳು ಮತ್ತು ಹಾರ್ಡ್ ಡಿಸ್ಕ್ ಗಳನ್ನು ಅವರು ಕೊಂಡೊಯ್ದಿದ್ದಾರೆ. 11 ಗಂಟೆಗೆ ಮನೆಯಿಂದ ತೆರಳಿದ್ದಾರೆ. ಮುಂಬೈಯ ಎನ್ ಐಎ ಕೋರ್ಟ್ ನಿಂದ ನೀಡಲಾದ ಹುಡುಕಾಟ ವಾರಂಟ್ ಜೊತೆಗೆ ತಂಡ ಆಗಮಿಸಿತ್ತು ಎಂದು ಡಾ. ಜೆನ್ನಿ ಹೇಳಿದ್ದಾರೆ.

ಎಲ್ಗಾರ್ ಪರಿಷದ್ ಪ್ರಕರಣಕ್ಕೆ ಸಂಬಂಧಿಸಿ ಮೊದಲು ಪುಣೆ ಪೊಲೀಸರು ತನಿಖೆ ನಡೆಸುತ್ತಿದ್ದರು. ಮಹಾರಾಷ್ಟ್ರದಲ್ಲಿ ಬಿಜೆಪಿ ಸರ್ಕಾರ ಉರುಳುತ್ತಿದ್ದಂತೆ, ಪ್ರಕರಣದ ವಿಚಾರಣೆಯನ್ನು ಎನ್ ಐಎ ಕೈಗೆತ್ತಿಕೊಂಡಿತ್ತು. ಪ್ರಕರಣಕ್ಕೆ ಸಂಬಂಧಿಸಿ ಖ್ಯಾತ ವಿಚಾರವಾದಿಗಳಾದ ಆನಂದ್ ತೇಲ್ತುಂಬ್ಡೆ, ಗೌತಮ್ ನವ್ಲಾಖ ಸೇರಿದಂತೆ ಹಲವರನ್ನು ಎನ್ ಐಎ ಈಗಾಗಲೆ ಬಂಧಿಸಿತ್ತು. ಹನಿ ಬಾಬು ಕಳೆದ ವಾರ ಬಂಧಿಸಲ್ಪಟ್ಟ 12ನೇ ಆರೋಪಿಯಾಗಿದ್ದಾರೆ. ವಿಚಾರಣೆಗಾಗಿ ದೆಹಲಿಯಿಂದ ಕರೆಸಿಕೊಂಡಿದ್ದ ಎನ್ ಐಎ ಬಾಬು ಅವರನ್ನು ಬಳಿಕ ಬಂಧಿಸಿತ್ತು.

ಶೋಷಿತ, ದಮನಿತ ಸಮುದಾಯಗಳ ಧ್ವನಿಯಾಗಿರುವ ಮತ್ತು ಜನಸಾಮಾನ್ಯರ ಸಮಸ್ಯೆಗಳಿಗೆ ಸದಾ ಮಿಡಿಯುವ ಪ್ರಸ್ತುತ ಪಾಕ್ಷಿಕಕ್ಕೆ ಚಂದಾದಾರಾಗಿರಿ. ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!