August 27, 2020

ಅಮೆಜಾನ್ ನ ಹೈದರಾಬಾದ್ ಕ್ಯಾಂಪಸ್ ನಲ್ಲಿ ಇನ್ನೂ 8000 ನೌಕರರ ಹೊಂದುವ ಸಾಮರ್ಥ್ಯ

ಹೈದರಾಬಾದ್ : ಜಗತ್ತಿನಲ್ಲೇ ಅತಿದೊಡ್ಡ ಕ್ಯಾಂಪಸ್ ಆಗಿರುವ ಅಮೆಜಾನ್ ನ ಹೈದರಾಬಾದ್ ಕ್ಯಾಂಪಸ್ ನಲ್ಲಿ ಇನ್ನೂ 8,000 ನೌಕರರನ್ನು ಹೊಂದುವ ಸಾಮರ್ಥ್ಯವಿದೆ ಎಂದು ‘ದ ನ್ಯೂಯಾರ್ಕ್ ಟೈಮ್ಸ್’ ವರದಿ ಮಾಡಿದೆ. ಕಳೆದ ವರ್ಷ ಆರಂಭವಾಗಿರುವ ಈ ಕ್ಯಾಂಪಸ್ ನ 15 ಮಹಡಿಗಳಿರುವ ಕಟ್ಟಡದಲ್ಲಿ, 15,000 ನೌಕರರನ್ನು ಹೊಂದಲು ಅವಕಾಶವಿದೆ. ಈಗ ಅಲ್ಲಿ 7000 ನೌಕರರು ಕಾರ್ಯ ನಿರ್ವಹಿಸುತ್ತಿದ್ದಾರೆ.

9.7 ಎಕರೆ ವ್ಯಾಪ್ತಿಯಲ್ಲಿ ಹರಡಿರುವ ಹೈದರಾಬಾದ್ ಕ್ಯಾಂಪಸ್ ಆನ್ ಲೈನ್ ವ್ಯವಹಾರ ನಡೆಸುವ ಜಗತ್ತಿನ ಅತಿದೊಡ್ಡ ಸಂಸ್ಥೆ ಅಮೆಜಾನ್ ನ ಜಗತ್ತಿನಲ್ಲೇ ಅತಿದೊಡ್ಡ ಕ್ಯಾಂಪಸ್ ಆಗಿದೆ. ಹೈದರಾಬಾದ್ ಕ್ಯಾಂಪಸ್ ಒಟ್ಟು 68 ಎಕರೆಗಳ ವರೆಗೆ ವಿಸ್ತರಿಸುವ ಅವಕಾಶವಿದೆ. ಕ್ಯಾಂಪಸ್ ಗೆ ತೂಕದ ಲೆಕ್ಕದಲ್ಲಿ ಹೇಳುವುದಾದರೆ, ಐಫೆಲ್ ಟವರ್ ಗಿಂತ ಎರಡೂವರೆ ಪಟ್ಟು ಹೆಚ್ಚು ಉಕ್ಕು ಬಳಸಲಾಗಿದೆ.

ಅಮೆಜಾನ್ ವಿರುದ್ಧ ದೇಶದಲ್ಲಿ ಏಳು ಕೋಟಿ ಕಾರ್ಮಿಕರ ಪ್ರತಿನಿಧಿ ಎನಿಸಿರುವ ಅಖಿಲ ಭಾರತ ಕಾರ್ಮಿಕರ ಒಕ್ಕೂಟ ( ಸಿಎಐಟಿ) ಸೇರಿದಂತೆ 40,000 ಕಾರ್ಮಿಕ ಸಂಘಟನೆಗಳು ಪ್ರತಿಭಟನೆ ನಡೆಸಿವೆ. ಬೆಂಗಳೂರಿನಲ್ಲಿ ಅಮೆಜಾನ್ ಫಾರ್ಮಸಿ ಆರಂಭಿಸುವುದಕ್ಕೂ ಸಾಕಷ್ಟು ಟೀಕೆಗಳು ಕೇಳಿಬಂದಿವೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!