ತನಿಶ್ಕ್ ಬ್ರಾಂಡ್ ವಿರುದ್ಧ ಮುಂದುವರಿದ ಟ್ವಿಟ್ಟರ್ ದಾಳಿ: ಬ್ರಾಂಡ್ ಮ್ಯಾನೇಜರ್ ಮನ್ಸೂರ್ ಅಲಿ ವಜಾಕ್ಕೆ ಆಗ್ರಹಿಸಿದ ಹಿಂದುತ್ವ ಟ್ರೋಲ್ ಬ್ರಿಗೇಡ್

Prasthutha|

► ಟ್ರೆಂಡಿಂಗ್ ನಲ್ಲಿ #TataSackMansoorAli

- Advertisement -

► 41 ಸಾವಿರಕ್ಕೂ ಅಧಿಕ ಟ್ವೀಟ್

► ಟ್ವಿಟ್ಟರ್ ಅಕೌಂಟ್ ಡಿಲೀಟ್ ಮಾಡಿದ ಮನ್ಸೂರ್ ಅಲಿ

- Advertisement -

ಹೊಸದಿಲ್ಲಿ: ನಿರಂತರ ಟ್ರೋಲ್ ಗಳೊಂದಿಗೆ ಕೋಮು ಸೌಹಾರ್ದತೆಯನ್ನುಬಿಂಬಿಸುವ ತನಿಶ್ಕ್ ಜಾಹಿರಾತನ್ನು ಹಿಂದೆಗೆಯುವಂತೆ ಮಾಡಿದ ಹಿಂದುತ್ವ ಟ್ರೋಲ್ ಬ್ರಿಗೇಡ್, ಬ್ರಾಂಡ್ ನ ವಿರುದ್ಧ ತನ್ನ ಟ್ವಿಟ್ಟರ್ ಯುದ್ಧವನ್ನು ಮುಂದುವರಿಸಿದೆ. ಈ ಬಾರಿ ಗುರಿ ಪಡಿಸಲಾಗಿರುವುದು ತನಿಶ್ಕ್ ಬ್ರಾಂಡ್ ಮ್ಯಾನೇಜರ್ ಮನ್ಸೂರ್ ಅಲಿಯವರನ್ನು. ಮನ್ಸೂರ್ ಅಲಿಯನ್ನು ಕಂಪೆನಿಯಿಂದ ಉಚ್ಛಾಟಿಸಬೇಕೆಂದು ಆಗ್ರಹಿಸಿ  ಟ್ವೀಟ್ ಗಳನ್ನು ಹರಿಸಲಾಗಿದೆ.

#TataSackMansoorAli ಇಂದಿನ ಟ್ವಿಟ್ಟರ್ ಟ್ರೆಂಡಿಂಗ್ ನಲ್ಲಿ ಮೂರನೆ ಸ್ಥಾನವನ್ನು ಪಡೆದಿತ್ತು. 41 ಸಾವಿರಕ್ಕೂ ಅಧಿಕ ಮಂದಿ ಈ ಹ್ಯಾಶ್ ಟ್ಯಾಗ್ ನೊಂದಿಗೆ ಟ್ವೀಟ್ ಮಾಡಿದ್ದರು. ಮಾತ್ರವಲ್ಲದೆ ನಿರಂತರ ನಿಂದನಾತ್ಮಕ ಸಂದೇಶಗಳು ಮತ್ತು ಬೆದರಿಕೆಗಳ ಕಾರಣದಿಂದಾಗಿ ಅಂತಿಮವಾಗಿ ಮನ್ಸೂರ್ ಅಲಿ ಇಂದು ತನ್ನ ಟ್ವಿಟ್ಟರ್ ಅಕೌಂಟನ್ನೇ ಡಿಲೀಟ್ ಮಾಡಬೇಕಾಗಿ ಬಂದಿದೆ ಎಂದು ಟಿವಿ-9 ಹಿಂದಿ ವರದಿ ಮಾಡಿದೆ.

ಈ ಹಿಂದೆ ಲವ್ ಜಿಹಾದ್ ಆಯಾಮದಲ್ಲಿ ಸಾಗುತ್ತಿದ್ದ ಹಿಂದುತ್ವ ಟ್ರೋಲರ್ ಗಳು ಬ್ರಾಂಡ್ ಮ್ಯಾನೇಜರ್ ಮನ್ಸೂರ್ ಅಲಿಯ ಹೆಸರು ಧರ್ಮದೊಂದಿಗೆ ಸೇರಿರುವುದರಿಂದಾಗಿ ಈ ವಿವಾದವನ್ನು ಹಿಂದೂ-ಮುಸ್ಲಿಮ್ ಆಯಾಮದೆಡೆಗೆ ತಿರುಗಿಸಿದೆ.

ಈ ಹಿಂದೆ ತಮ್ಮ ಹಿಂದೂ ಸೊಸೆಯ ಸೀಮಂತಕ್ಕೆ ತಯಾರಿ ಮಾಡುತ್ತಿದ್ದ ಮುಸ್ಲಿಂ ಕುಟುಂಬವನ್ನು ತೋರಿಸುವ ಜಾಹೀರಾತನ್ನು ಪ್ರಸಾರ ಮಾಡಿದ್ದಕ್ಕಾಗಿ ಹಿಂದುತ್ವ ಟ್ರೋಲ್ ಬ್ರಿಗೇಡ್ ಟಾಟಾ ಗ್ರೂಪ್ ನ ‘ದಿ ಟೈಟಾನ್’ ಕಂಪೆನಿಯ ತನಿಶ್ಕ್ ಬ್ರಾಂಡನ್ನು ಬಹಿಷ್ಕರಿಸುವಂತೆ ಕೋರಿ ಟ್ವೀಟ್ ಗಳನ್ನು ಮಾಡಿತ್ತು.

Join Whatsapp