ಮಧ್ಯಪ್ರದೇಶದಲ್ಲಿ ಶೀಘ್ರದಲ್ಲೇ ‘ಲವ್ ಜಿಹಾದ್’ಗೆ ಐದು ವರ್ಷದ ಜೈಲು ಶಿಕ್ಷೆಯ ಕಾನೂನು

Prasthutha|

ಭೋಪಾಲ್ : ‘ಲವ್ ಜಿಹಾದ್’ ತಡೆಗೆ 5 ವರ್ಷ ಜೈಲು ಶಿಕ್ಷೆ ವಿಧಿಸುವ ಕಠಿಣ ಕಾನೂನನ್ನು ಶೀಘ್ರವೇ ಜಾರಿಗೊಳಿಸಲಿದ್ದೇವೆ ಎಂದು ಮಧ್ಯಪ್ರದೇಶ ಗೃಹ ಸಚಿವ ನರೋತ್ತಮ್ ಮಿಶ್ರಾ ಹೇಳಿದ್ದಾರೆ. ‘ಲವ್ ಜಿಹಾದ್’ ವಿರುದ್ಧ ಕಾನೂನು ತರಲಿದ್ದೇವೆ ಎಂದು ಕರ್ನಾಟಕ ಮತ್ತು ಹರ್ಯಾಣ ಸರಕಾರಗಳು ಪ್ರಕಟಿಸಿದ ಬೆನ್ನಲ್ಲೇ ಮಧ್ಯಪ್ರದೇಶ ಬಿಜೆಪಿ ಸರಕಾರವೂ ಈ ತೀರ್ಮಾನ ಕೈಗೊಂಡಿದೆ.

- Advertisement -

ಮುಂದಿನ ವಿಧಾನಸಭಾ ಅಧಿವೇಶನದಲ್ಲಿ ‘ಲವ್ ಜಿಹಾದ್’ ವಿರುದ್ಧ ಮಸೂದೆ ಮಂಡಿಸಲಾಗುವುದು ಎಂದು ಮಿಶ್ರಾ ಹೇಳಿದ್ದಾರೆ.

‘ಲವ್ ಜಿಹಾದ್’ಗೆ ಸಹಕರಿಸುವವರನ್ನೂ ಪ್ರಮುಖ ಆರೋಪಿಗೆ ಸಮಾನ ಎಂದು ಪರಿಗಣಿಸಲಾಗುತ್ತದೆ ಮತ್ತು ಪ್ರಕರಣವನ್ನು ಜಾಮೀನು ರಹಿತ ವಿಭಾಗದಲ್ಲಿ ಸೇರ್ಪಡಿಸಲಾಗುತ್ತದೆ ಎಂದು ಮಿಶ್ರಾ ಹೇಳಿದ್ದಾರೆ.

- Advertisement -

ಮದುವೆಗಾಗಿ ಸ್ವಯಂ ಪ್ರೇರಿತ ಮತಾಂತರಕ್ಕೆ ಒಂದು ತಿಂಗಳು ಮುಂಚಿತವಾಗಿ ಜಿಲ್ಲಾಧಿಕಾರಿಗೆ ಅರ್ಜಿ ಸಲ್ಲಿಸುವುದು ಕಡ್ಡಾಯಗೊಳಿಸಲಾಗುತ್ತದೆ ಎಂದು ಅವರು ತಿಳಿಸಿದ್ದಾರೆ.

‘ಲವ್ ಜಿಹಾದ್’ ಎನ್ನುವುದು ಇಲ್ಲವೇ ಇಲ್ಲ ಎಂದು ಕೇಂದ್ರ ಸರಕಾರ ಈ ಹಿಂದೆ ಅಧಿಕೃತವಾಗಿ ಹೇಳಿಕೆ ನೀಡಿದ್ದರೂ, ರಾಜ್ಯ ಬಿಜೆಪಿ ಸರಕಾರಗಳು ರಾಜಕೀಯ ದುರುದ್ದೇಶದಿಂದ, ಮತ್ತೊಮ್ಮೆ ತಮ್ಮ ವಿಭಜನಕಾರಿ ನೀತಿಗಾಗಿ, ಕಾಲ್ಪನಿಕ ‘ಲವ್ ಜಿಹಾದ್’ ಹುಳವನ್ನು ಮತದಾರರ ತಲೆಯೊಳಗೆ ಹರಿಬಿಡುತ್ತಿವೆ.

Join Whatsapp