ಅಮೆಜಾನ್ ನ ಹೈದರಾಬಾದ್ ಕ್ಯಾಂಪಸ್ ನಲ್ಲಿ ಇನ್ನೂ 8000 ನೌಕರರ ಹೊಂದುವ ಸಾಮರ್ಥ್ಯ

Prasthutha|

ಹೈದರಾಬಾದ್ : ಜಗತ್ತಿನಲ್ಲೇ ಅತಿದೊಡ್ಡ ಕ್ಯಾಂಪಸ್ ಆಗಿರುವ ಅಮೆಜಾನ್ ನ ಹೈದರಾಬಾದ್ ಕ್ಯಾಂಪಸ್ ನಲ್ಲಿ ಇನ್ನೂ 8,000 ನೌಕರರನ್ನು ಹೊಂದುವ ಸಾಮರ್ಥ್ಯವಿದೆ ಎಂದು ‘ದ ನ್ಯೂಯಾರ್ಕ್ ಟೈಮ್ಸ್’ ವರದಿ ಮಾಡಿದೆ. ಕಳೆದ ವರ್ಷ ಆರಂಭವಾಗಿರುವ ಈ ಕ್ಯಾಂಪಸ್ ನ 15 ಮಹಡಿಗಳಿರುವ ಕಟ್ಟಡದಲ್ಲಿ, 15,000 ನೌಕರರನ್ನು ಹೊಂದಲು ಅವಕಾಶವಿದೆ. ಈಗ ಅಲ್ಲಿ 7000 ನೌಕರರು ಕಾರ್ಯ ನಿರ್ವಹಿಸುತ್ತಿದ್ದಾರೆ.

- Advertisement -

9.7 ಎಕರೆ ವ್ಯಾಪ್ತಿಯಲ್ಲಿ ಹರಡಿರುವ ಹೈದರಾಬಾದ್ ಕ್ಯಾಂಪಸ್ ಆನ್ ಲೈನ್ ವ್ಯವಹಾರ ನಡೆಸುವ ಜಗತ್ತಿನ ಅತಿದೊಡ್ಡ ಸಂಸ್ಥೆ ಅಮೆಜಾನ್ ನ ಜಗತ್ತಿನಲ್ಲೇ ಅತಿದೊಡ್ಡ ಕ್ಯಾಂಪಸ್ ಆಗಿದೆ. ಹೈದರಾಬಾದ್ ಕ್ಯಾಂಪಸ್ ಒಟ್ಟು 68 ಎಕರೆಗಳ ವರೆಗೆ ವಿಸ್ತರಿಸುವ ಅವಕಾಶವಿದೆ. ಕ್ಯಾಂಪಸ್ ಗೆ ತೂಕದ ಲೆಕ್ಕದಲ್ಲಿ ಹೇಳುವುದಾದರೆ, ಐಫೆಲ್ ಟವರ್ ಗಿಂತ ಎರಡೂವರೆ ಪಟ್ಟು ಹೆಚ್ಚು ಉಕ್ಕು ಬಳಸಲಾಗಿದೆ.

ಅಮೆಜಾನ್ ವಿರುದ್ಧ ದೇಶದಲ್ಲಿ ಏಳು ಕೋಟಿ ಕಾರ್ಮಿಕರ ಪ್ರತಿನಿಧಿ ಎನಿಸಿರುವ ಅಖಿಲ ಭಾರತ ಕಾರ್ಮಿಕರ ಒಕ್ಕೂಟ ( ಸಿಎಐಟಿ) ಸೇರಿದಂತೆ 40,000 ಕಾರ್ಮಿಕ ಸಂಘಟನೆಗಳು ಪ್ರತಿಭಟನೆ ನಡೆಸಿವೆ. ಬೆಂಗಳೂರಿನಲ್ಲಿ ಅಮೆಜಾನ್ ಫಾರ್ಮಸಿ ಆರಂಭಿಸುವುದಕ್ಕೂ ಸಾಕಷ್ಟು ಟೀಕೆಗಳು ಕೇಳಿಬಂದಿವೆ.

Join Whatsapp