November 15, 2020

ಬಿಹಾರ ಸಿಎಂ | ಇಂದು ನಿರ್ಧರಿಸಲಿರುವ ಎನ್.ಡಿ.ಎ

Patna: Bihar Chief Minister Nitish Kumar addresses during 'Mukhyamantri Scheduled Castes and Scheduled Tribes Entrepreneur scheme', in Patna on Saturday,Aug 4, 2018. (PTI Photo) (PTI8_4_2018_000057B)

ಬಿಹಾರದಲ್ಲಿ ಇಂದು ಮಧ್ಯಾಹ್ನ 12:30ಕ್ಕೆ ರಾಷ್ಟ್ರೀಯ ಪ್ರಜಾಸತ್ತಾತ್ಮಕ ಒಕ್ಕೂಟ(ಎನ್ ಡಿ ಎ ) ದ ನಾಯಕರು ಸಭೆ ನಡೆಸಿ ತನ್ನ ನಾಯಕನನ್ನು ಔಪಚಾರಿಕವಾಗಿ ಆಯ್ಕೆ ಮಾಡಲಿದ್ದಾರೆ ಎಂದು ಮುಖ್ಯಮಂತ್ರಿ ನಿತೀಶ್ ಕುಮಾರ್ ಹೇಳಿದ್ದಾರೆ.

“ಎಲ್ಲಾ ನಾಲ್ಕು ಮೈತ್ರಿ ಒಕ್ಕೂಟದ ಚುನಾಯಿತ ಶಾಸಕರ ಸಭೆಯನ್ನು ನವೆಂಬರ್ 15ರಂದು ಮಧ್ಯಾಹ್ನ 12:30ಕ್ಕೆ ಕರೆಯಲು ನಿರ್ಧರಿಸಿದ್ದೇವೆ. ಸಭೆಯಲ್ಲಿ ಎಲ್ಲಾ ನಿರ್ಧಾರಗಳನ್ನು ಕೈಗೊಳ್ಳಲಾಗುವುದು. ಎನ್.ಡಿ.ಎ ನಾಯಕರ ಸಭೆ ಮತ್ತು ಚುನಾವಣೆಯ ನಂತರ ನಾವು ಸರಕಾರ ರಚಿಸುತ್ತೇವೆ”ಎಂದು ನಿತೀಶ್ ಕುಮಾರ್ ಹೇಳಿದ್ದಾರೆ.




ಈ ಸಭೆಯು ನಿತೀಶ್ ಕುಮಾರ್ ಅವರನ್ನು ರಾಜ್ಯದ ಮುಖ್ಯಮಂತ್ರಿ ಹುದ್ದೆಗೆ ಮತ್ತೊಮ್ಮೆ ಆಯ್ಕೆ ಮಾಡಲು ಮತ್ತು ಪ್ರಮಾಣವಚನ ಸಮಾರಂಭದ ದಿನಾಂಕವನ್ನು ನಿರ್ಧರಿಸಲು ಒಂದು ಸಂದರ್ಭ ಆಗಿರಬಹುದು. ಸಭೆಯಲ್ಲಿ ಮೈತ್ರಿಕೂಟಕ್ಕೆ ಸಂಬಂಧಿಸಿದ ನಿರ್ಣಾಯಕ ನಿರ್ಧಾರಗಳನ್ನೂ ತೆಗೆದುಕೊಳ್ಳಲಾಗುವುದು ಎಂದು ಉನ್ನತ ಮೂಲಗಳು ತಿಳಿಸಿವೆ.

ಬಿಹಾರ ಚುನಾವಣೆಯಲ್ಲಿ ಬಿಜೆಪಿ 74 ಸ್ಥಾನ, ಜೆಡಿಯು 43 ಸ್ಥಾನ, ಎಚ್.ಎ.ಎಂ-ಎಸ್ ಮತ್ತು ವಿಐಪಿ ತಲಾ ನಾಲ್ಕು ಸ್ಥಾನಗಳನ್ನು ಗೆದ್ದುಕೊಂಡು ಎನ್.ಡಿ.ಎ. ಒಟ್ಟು 125 ಸದಸ್ಯ ಬಲದೊಂದಿಗೆ ಸರಳ ಬಹುಮತವನ್ನು ಪಡೆದುಕೊಂಡಿದೆ.

ಟಾಪ್ ಸುದ್ದಿಗಳು