October 22, 2020

ಕಮಲನಾಥ್ ವಿರುದ್ಧ ಪ್ರಕರಣ ದಾಖಲಿಸಲು ಮ.ಪ್ರ. ಹೈಕೋರ್ಟ್ ಆದೇಶ

ಭೋಪಾಲ್ : ತಿಂಗಳ ಆರಂಭದಲ್ಲಿ ಚುನಾವಣಾ ಪ್ರಚಾರ ವೇಳೆ ಕೋವಿಡ್ – 19 ನಿಯಮ ಉಲ್ಲಂಘಿಸಿದ್ದ ಕಾಂಗ್ರೆಸ್ ನಾಯಕ, ಮಾಜಿ ಸಿಎಂ ಕಮಲನಾಥ್ ಮತ್ತು ಕೇಂದ್ರ ಸಚಿವ ನರೇಂದ್ರ ಸಿಂಗ್ ತೋಮರ್ ವಿರುದ್ಧ ಪ್ರಕರಣ ದಾಖಲಿಸುವಂತೆ ಮಧ್ಯಪ್ರದೇಶ ಹೈಕೋರ್ಟ್ ನಿರ್ದೇಶಿಸಿದೆ.

ಗ್ವಾಲಿಯಾರ್ ಮತ್ತು ಡಾಟಿಯಾ ಜಿಲ್ಲಾ ಮ್ಯಾಜಿಸ್ಟ್ರೇಟರಿಗೆ ಈ ನಿಟ್ಟಿನಲ್ಲಿ ಕೋರ್ಟ್ ನಿರ್ದೇಶನ ನೀಡಿದೆ. ಶುಕ್ರವಾರದ ಮುಂದಿನ ವಿಚಾರಣೆಯ ವೇಳೆ ಈ ಸಂಬಂಧ ವರದಿ ನೀಡುವಂತೆ ಅಡ್ವೊಕೇಟ್ ಜನರಲ್ ಪುರುಶೇಂದ್ರ ಕೌರವ್ ಗೆ ಕೋರ್ಟ್ ಸೂಚಿಸಿದೆ.




ವರ್ಚುವಲ್ ರ್ಯಾಲಿ ಸಾಧ್ಯವಿಲ್ಲ ಎಂದು ಸಾಬೀತು ಪಡಿಸದ ಹೊರತಾಗಿ, ಗ್ವಾಲಿಯಾರ್ ವಿಭಾಗದ ಎಲ್ಲಾ 9 ಜಿಲ್ಲೆಗಳಲ್ಲಿ ಯಾವುದೇ ಬಹಿರಂಗ ಚುನಾವಣೆ ಸಭೆಗಳಿಗೆ ಅನುಮತಿ ನೀಡದಂತೆ ಎಲ್ಲಾ ಜಿಲ್ಲಾ ಮ್ಯಾಜಿಸ್ಟ್ರೇಟರುಗಳಿಗೆ ಕೋರ್ಟ್ ಆದೇಶಿಸಿದೆ.

ನ.3ರಂದು ಮಧ್ಯಪ್ರದೇಶದ 28 ವಿಧಾನಸಭಾ ಕ್ಷೇತ್ರಗಳಿಗೆ ಚುನಾವಣೆ ನಡೆಯಲಿದೆ. ನ.10ಕ್ಕೆ ಫಲಿತಾಂಶ ಹೊರಬೀಳಲಿದೆ. ದಾಬ್ರಾ ವಿಭಾನಸಭಾ ಕ್ಷೇತ್ರದ ಅಭ್ಯರ್ಥಿ ಇಮಾರ್ತಿ ದೇವಿ ಬಗ್ಗೆ ‘ಐಟಂ’ ಎಂದು ಪ್ರಸ್ತಾಪಿಸುವ ಮೂಲಕ ಕಮಲನಾಥ್ ಈಗಾಗಲೇ ವಿವಾದಕ್ಕೆ ಸಿಲುಕಿಕೊಂಡಿದ್ದಾರೆ.

ಟಾಪ್ ಸುದ್ದಿಗಳು